1 Oo Kibbumba, twewuliriireku nʼagaiswe,
2 Ngʼokolesya obwezyebwo wabbingire abanamawanga,
3 Abazeiza baiswe tibawangwire ekyalo ekyo nga bakolesya mpiima gyabwe,
4 Niiwe oKabaka wange era oKibbumba wange,
5 Okubitira mwiwe tuwangula abalabe baiswe,
6 Tineesiga akalaso kange,
7 Neye niiwe otununula eeri abalabe baiswe,
8 Twenyumirizanga mu niiwe Kibbumba okumalaku olunaku,
9 Neye atyanu otulekeswire, nʼotuleka ni tuswala,
10 Watulekere abalabe baiswe ni batwiririrya,
11 Watuwaireyo batwite ooti ntaama egibaaba okusala,
12 Watundire abantubo dondolo
13 Otusuucirye kizumi eeri abaliranwa baiswe,
14 Otusuucirye majwalo omu banamawanga,
15 Nswaluka okumalaku olunaku,
16 olwʼebibono byʼabo abanjolonga, era abanzuma,
17 Ebyo byonabyona bitutuukireku
18 Emyoyo gyaiswe tigikuzwangaku,
19 Neye era watusasaiguliire awali emisege,
20 Singa twerabiire eriina lya Kibbumba waiswe,
21 ekyo Kibbumba wandikizwire,
22 Neye era nabuli lunaku tubba mu kabbikabbi ka kutwita oku lulwo,
23 Oo Musengwa, olamuke! Lwaki ogona?
24 Lwaki otukubbira omugongo?
25 Batudyakire omu nkungu,
26 Osetuke otubbeere,