1 Tiwaabbanga nʼensaalwa olwʼababibabbi,
2 Ekyo kityo olwʼokubba bawaawo mangu ooti isubi erikala,
3 Weesigenge oMusengwa era okolenge ebintu ebisa,
4 Eisangaalo olinoonienge mu Musengwa,
5 Nabuli kyokola okiwengeyo eeri Musengwa,
6 Yalagisyanga obutuukiriryebwo ni buboneka ooti isana erizwayo,
7 OSirinkirirenge omumaiso ga Musengwa, okuumirirenge nʼobuguminkiriza iye ekiyakola.
8 Tiwasunguwalanga era tiwaabbanga nʼobulwa,
9 Ekyo kityo olwʼokubba abakola ebibbibibbi balibajigirica.
10 Omu kaseera katyai, ababbibabbi balibba bawulawo,
11 Neye ibo abʼeiwooyo balisikira ekyalo,
12 Ababbibabbi basala enkwe okukola abatuukirirye akabbikabbi,
13 Neye oMusengwa asekerera ababbibabbi abo,
14 Ababbibabbi basowolayo empiima gyabwe,
15 Neye ababbibabbi abo, balibaita nga bakolesya empiima gyabwe ginanyereegyo.
16 Ebintu ebitono omutuukirirye ebyabba nabyo,
17 Ekyo kityo olwʼokubba oMusengwa yalimaliramu nakimo ababbibabbi amaani,
18 OMusengwa alabirira abanambulaku ekyokubanenya,
19 Omu biseera ebyʼakabbikabbi tibalibba omu bulumi.
20 Neye ababbibabbi balijigirika.
21 Ababbibabbi beekoopa nandi ni basasula.
22 Abo oMusengwa abaawa enkabi balisikira ekyalo.
23 OMusengwa alungamya omuntu omu nzira entuuce,
24 Nʼowebeesiitaala tibagwa,
25 Nabbaire mutomuto era atyanu nkairiire,
26 Bulijo agaba nʼomwoyo gumo, era akoopa abandi,
27 Ozwe omu kukola ebibbibibbi, okolenge bikole ebisa,
28 Ekyo kityo olwʼokubba oMusengwa ataka bwenkanya,
29 Abatuukirirye balisikira ekyalo,
30 Omuntu omutuukirirye ebimuzwamu bibba byʼamalabuki,
31 Akwata amateeka ga Kibbumbawe omu mwoyogwe,
32 Ababbibabbi bagonerera abantu abatuukirirye,
33 Neye oMusengwa tiyaliganya abatuukirirye okugwa omu bwezye bwʼababbibabbi abo,
34 Weesigenge oMusengwa,
35 Naboine omuntu omubbimubbi era omukambwe
36 Neye tete owenabitireyo, yabbaire takaali aboneka.
37 Weetegereze omuntu onambulaku ekyokumunenya, era weekenenye omuntu omulongoole omu mwoyo.
38 Neye bonabona abakola ebibbibibbi balibajigirica omulundi gumo,
39 OMusengwa anunula abatuukirirye,
40 OMusengwa ababbeera nʼabanunula.