1 “Mwebalye oMusengwa olwʼokubba musa;
2 Oleke oMusengwa abeyanunwire bakirangirire;
3 abo abeyasoloojere okuzwa omu mawanga,
4 Bagadangadiire omwidungu,
5 Enzala nʼenyonta byabalumire,
6 Awo ni beekungirira oMusengwa omu bigosi byabwe,
7 Yabeekubbembeire omu nzira enterembereri,
8 Kale beebalye oMusengwa olwʼokutakakwe okutakoma
9 Ekyo kityo olwʼokubba abo abali enyonta, iye agibamalaku
10 Abamo babbanga mu ndikiirya ikyo ekiiriirye ekyokufa,
11 olwʼokujeemera ebiragiro bya Kibbumba,
12 Kale nʼabeeyanikisya emyoyo gyabwe nʼemirimo egikaluba;
13 Awo ni beekungirira oMusengwa omu bigosi byabwe,
14 Nʼabatoola omu ndikiirya ikyo ekiriirye kyʼokufa,
15 Kale beebalye oMusengwa olwʼokutakakwe okutakoma,
16 Amenya amageeti agebakolere omu bbulonzi,
17 Abamo omu basirusiru bwabwe boonoonere,
18 Emyoyo gyabwe gyenyinyairye ebyokulya byonabyona,
19 Awo ni beekungirira oMusengwa omu bugosi bwabwe,
20 Yatumire ekibonokye nʼabalamya,
21 Kale beebalye oMusengwa olwʼokutakakwe okutakoma,
22 Bawengeyo esadaaka egyʼokwebalya,
23 Abamo baseeyeeyeire oku nyanza omu meeri;
24 Baboine ebikole oMusengwa ebiyakolere,
25 Yalagiire ompunga owʼamaani nʼafuwa,
26 Ni gasetula emeeri omwibbanga, era ni gigwa ansi omu lwina lwa mayengo.
27 Ni bayuuga era ni bagagaituka ooti bateemeere,
28 Awo ni beekungirira oMusengwa omu bugosi bwabwe,
29 Yasiricirye ompunga,
30 Awo ni basangaala olwʼamayengo okuwaaku,
31 Kale beebalye oMusengwa olwʼokutakakwe okutakoma,
32 Oleke bamugulumalye omu lukumbaana lwʼabantu,
33 Asuuca emiiga idungu,
34 Nʼasuuca ekyalo ekijimu kikwere,
35 Asuuca eidungu ni libbaamu ebidiba byʼamaizi,
36 Era omwo mwateeka abanzalwa okubbanga,
37 Basiga ensigo omu misiri, ni bakoma emizabbibbu,
38 Yabawaire enkabi ni beeyongera ino obungi,
39 Owebakendeire obungi ni banyolwa
40 oMusengwa yanyoomere abakungu baabwe,
41 Neye abadamba yʼabatoire omu kugada,
42 Abatuukirirye babona ebyo era ni basangaala,
43 Nabuli ali nʼamalabuki, ebyo abiteekeku omwoyo;