1 Baana bange, muwulisisye oiteewanywe ebyabeegesya.
2 olwʼokubba ebimbeegesya bisa,
3 Owenabbaire nga ndi mwisuka,
4 obbaabba yanjegesyanga ati,
5 Osune amalabuki, osune okutegeera.
6 Tiwalekesulanga amalabuki, era gakukuumanga;
7 Amalabuki, niigo agakirira nakimo obukulu, nʼolwekyo osune amalabuki.
8 Otwale amalabuki ngʼekintu ekikulu, galikusuuca mukulu;
9 Galikutiikira engule eyʼobukoda,
10 Owulisisye mwana wange, otwale ebinkukoba,
11 Nkwegesya kubba mulabuki,
12 Owewatambulanga tiwaabbengewo ekikutigalira,
13 Ebyoyegere obikwatenge, tiwabirekanga,
14 Tiwakwatanga enzira yʼababbibabbi,
15 Wagyesambenge, tiwagitambulirangamu.
16 olwʼokubba tibagona okutoolaku nga bamalire okukola ekibbikibbi.
17 Okukola ebibbibibbi kibanyumira ooti kyokulya
18 Enzira eyʼabatuukirirye, ebba ooti isana erizwayo,
19 Neye enzira yʼababbibabbi eri ooti ndikiirya ekwaite zigizigi,
20 Mwana wange, owulisisye ebibono byange,
21 Tiwaganyanga ni bikuzwaku,
22 olwʼokubba abo ababisuna, bibaleetera obwomi,
23 Ekikulu omu byonabyona, weegenderezenge ino ebyoseega,
24 Tiwatumulanga ebyakalebule,
25 Oleke amaisogo galingirirenge buterembereri e gyoyaba,
26 Weekeenenyenge omu ntegeka yʼebyokola,
27 Tiwaazwanga omu nzira entuuce.