1 Mwana wange, singa wakwatanga ebibono byange,
2 nʼotega ekitwi eeri amalabuki,
3 dala singa wasabanga okusuna okumanya,
4 owewanoonianga amalabuki ooti onoonia feeza,
5 awo walitegeera okutya oMusengwa,
6 olwʼokubba oMusengwa niiye agaba amalabuki,
7 Awa obutegeeri abalongoole omu myoyo,
8 akuuma abakola ebyʼobwenkanya,
9 Era awo walimanya ebituuce, nʼebyʼobwenkanya
10 Walisuuka wʼamalabuki,
11 Okusalawo okusa kwakulabiriranga,
12 Amalabuki gakuwunucanga amanzira gʼababbibabbi,
13 abo abazwire oku manzira gʼobutuukirirye,
14 abasangaalira kukola bibbibibbi,
15 Ibo bantu bʼamanzira amacaamu,
16 Amalabuki galikwezyesya okuwunuka omukali omulendi,
17 Omukali oyo, aleka oibaaye owʼomu mavuvukage,
18 Kale okwaba omu nyumbaye, kubba kukwata nzira eyaba e magombe,
19 Abaingira e wuwe tibaira;
20 Kale otambulirenge mu manzira gʼabantu abasa,
21 olwʼokubba abʼemyoyo emirongoole niibo ababbaawo oku kyalo,
22 Neye oKibbumba yalitoolawo ababbibabbi oku kyalo,