1 याहवेहलाइ धन्यबाद पिंन्, तलेबिस्याँ खी स्वाब मुँ,
2 याहवेहजी खामिंब्मैंइ छान् बिरिगे!
3 खीजी चमैंलाइ ह्युल-ह्युलउँइँले,
4 को-कोइ क्यु आयोंबै क्ल्ह्योजरे अलमल् तसि प्रमल,
5 फो ख्रेंसि क्यु पिसि,
6 छतमा चमैंइ ह्रोंसए दुःखर याहवेहने क्रोदै ग्वार ह्रिइ,
7 चमैं छ्याँबै क्ल्ह्योर फेनेसि टिल् खाँरिगे बिसि
8 याहवेहजी लबै खोंयोंइ आनुबै म्हाँयाए ल्हागिर
9 तलेबिस्याँ खीजी क्यु पिब्मैंलाइ क्यु पिब सल् लमिंम्,
10 को-कोइलाइ दु:ख नेरो सँउँलिइ फैथेंमल,
11 तलेबिस्याँ चमैंइ परमेश्वरजी पोंबै ताँमैं थोल,
12 छतसि खीजी चमैंलाइ बेल्ले दुःखले के लल् पिंइ;
13 छतमा चमैंइ ह्रोंसए दुःखर याहवेहने क्रोदै ग्वार ह्रिइ,
14 खीजी मिछु खैबै कालए छरि न्होंउँइँले चमैंलाइ बैरु पखइ,
15 याहवेहजी लबै खोंयोंइ आनुबै म्हाँयाए ल्हागिर
16 तलेबिस्याँ खीजी काँसाए मुल म्रामैं फुवाम्,
17 को-कोइ ह्रोंसइ लबै आछ्याँबै केमैंइ लमा मुर्ख तइ,
18 चमैंलाइ चबै सैमैं तिफुँइ चदा आङ्हाँ।
19 छतमा चमैंइ ह्रोंसए दुःखर याहवेहने क्रोदै ग्वार ह्रिइ,
20 खीजी सयाद् बिमा चमैं सयाइ;
21 याहवेहजी लबै खोंयोंइ आनुबै म्हाँयाए ल्हागिर
22 चमैंइ धन्यबादए ख्रो पिंरिगे,
23 को-कोइ झाजर क्रेसि स्युरइ;
24 याहवेहजी लबै केमैं चमैंइ म्रोंइ,
25 तलेबिस्याँ खीजी बिमा थेबै नाँ-खैं तइ,
26 च भेलमैं मु समन् क्रेसि ह्याइ, धै धबै मा ङ्युँइए तेंर्न तेयुइ;
27 प्हा ल्हें थुँसि म्हेरबै म्हिमैं धोंब चमैं लयाल;
28 छतमा चमैंइ ह्रोंसए दुःखर याहवेहने क्रोदै ग्वार ह्रिइ,
29 खीजी थेबै नाँ-खैं च्याँ लमिंइ;
30 नाँ-खैं च्याँ तबै लिउँइँ चमैं सैं तोंइ,
31 याहवेहजी लबै खोंयोंइ आनुबै म्हाँयाए ल्हागिर
32 ल्हें म्हि च्होंबै क्ल्ह्योर चमैंइ खीए बयन लरिगे,
33 खीजी स्योंमैं क्यु आयोंबै क्ल्ह्यो धोंन् लवामुँ,
34 धै मलिलो सलाइ चज ङ्हाँबै ह्रुखो लमिंइ।
35 खीजी क्यु आयोंबै क्ल्ह्योमैं ङ्ह्योखोमैं लमिंइ,
36 फो ख्रेंरिब्मैंलाइ खीजी चर टिबर पखइ,
37 चमैंइ म्रोंर प्लु प्लुसि अँगुरए धुँमैं या रुँइ,
38 चमैंए फिर खीजी आशिक पिंसि चमैंए सन्तान ल्हें तइ,
39 चमैंए फिर दु:ख कष्ट नेरो शोक तमा
40 खीजी क्रथे मिंथेमैंलाइ खाबज्यै आक्वेंब लवामुँ,
41 दिलेया खीजी ङ्हाँदुमैंलाइ चमैंए दुःखउँइले फ्रेसि कैंडो लमिंम्;
42 ठिक के लब्मैंइ चु म्रोंब्मुँ धै तोंब्मुँ,
43 बुद्धि मुँबै म्हिमैंइ चु ताँमैं छेनाले क्होल् म्हैरिगे,