1 बुद्धि मुँबै च्हइ ह्रोंसए आबा सैं तोंन् लम्,
2 अनिया लसि कमैंबै सै न्होर तोइ केर् आफे,
3 याहवेहजी ठिक के लब्मैं फोतें तल् आपिं,
4 प्ल्हेगु म्हि आयोंब्-आख्युब् तयाम्,
5 सर्खर म्ल्ह-नारि खुसि थेंबै च्ह बुद्धि मुँबै च्ह ग,
6 ठिक के लबै म्हिइ आशिक योंमुँ,
7 ठिक के लब्मैंलाइ मैंमा आशिक खम्,
8 ताँ क्होबै म्हिइ अर्थि बुद्धिए ताँ ङिंम्,
9 भर लल् खाँबै म्हि खनिर ह्यालै ढुक्कले प्रम्,
10 मिइ च्यप्लने चिप्लिले हस्त लबै म्हिइ दुःख पखम्,
11 ठिक के लबै म्हिइ पोंबै ताँमैंइ छ्याँबै घ्याँर डोरेम्,
12 आगुलाइ म्लोसि पोंमा प्होंगि तम्,
13 च्हैब् मैंब् लसि ताँ क्होबै म्हिइ बुद्धिए ताँ पोंम्,
14 बुद्धि मुँबै म्हिइ ज्ञान बुद्धिए ताँमैं सैंर थेंम्,
15 प्लबै म्हिए सै न्होर चए ल्हागिर भोंबै सहर ग;
16 ठिक के लसि योंबै मुइइ चमैंए छ्ह छ्याँब् तम्,
17 लोद-सैंदाए ताँमैं ङिंबै म्हिमैं छ्याँबै छ्ह योंबै घ्याँर प्रमुँ,
18 सैं न्होंर आगुलाइ हेल लबै ताँ लोस्याँ क्हि स्योलिबै म्हि ग,
19 ताँ ल्हें पोंमा आछ्याँबै तल् खाँम्,
20 ठिक के लबै म्हिइ निखुर चाँदि धों तबै छ्याँबै ताँमैं पोंम्,
21 ठिक के लबै म्हिइ पोंबै ताँइ ल्हें म्हिलाइ छ्याँब् लम्,
22 याहवेहए आशिकइ क्हि प्लब तम्,
23 आछ्याँबै के लमा सैं तोंस्याँ बुद्धि आरे,
24 तो सैने दुष्ट म्हि ङ्हिंमुँ, च सैन् चए फिर तखब्मुँ,
25 नाँ-खैं खमा दुष्टमैं घ्रि या चैरिब् आरे,
26 क्युँइ स कृब धोंले धै मिखुइ मि ख्रोंब् धोंले,
27 याहवेहजी बिबै ताँ ङिंमा ह्रिंबै छ्ह योंम्,
28 ठिक के लब्मैंइ आशा थेंबै ताँमैंइ लिउँइँ सैं तोंल् लम्,
29 ठिक के लब्मैंए ल्हागिर याहवेहजी तेंबै घ्याँ लोबै क्ल्ह्यो ग,
30 ठिक के लबै म्हि ह्युलर खोंयोंइ क्ल्हे तल् योंब्मुँ,
31 ठिक के लबै म्हिए सुँउँइँले बुद्धिए ताँमैं पोंम्,
32 ठिक के लबै म्हिए सुँइ ताँनइ क्वेंबै ताँमैं पोंम्,