1 Ekeene, Nyasae nigo are omuya mono ase Abaisraeli,
2 Amagoro aane konya abeire ang’e kogochwa,
3 ekiagera nigo nabeete ne ribero ase abanto abaenenu,
4 Barabwo tibari konyorwa nobokong’u bonde ase obogima bwabo;
5 Tibabwati emechando buna abanto bande babwate;
6 Ase ayio, obwerori nigo boetanaine amagoti abo,
7 Amaiso abo nigo akogirigenta nobonoru,
8 Nigo bagochecheria abande na gokwana ase okobakorera bobe.
9 Emenwa yabo nigo egokwana amang’ana amabe are mamincha ya igoro;
10 Ase ayio abanto babo nigo bakoonchoka baababwatia,
11 Erio bateeba, “Naki Nyasae arakore amanye?
12 Naama! Naboigo abakori amabe bare;
13 Ekeene, mbosa nabeire ndendete enkoro yane ebe echenegete,
14 Omobaso boira nabeire nkonyora amaakwa,
15 Onye nakwanete amang’ana buna ayio,
16 Bono ekero nabeete nkorengereria komanya engencho y’amang’ana ayio,
17 goika ekero nasoete ime ase obomenyo obochenu bwa Nyasae,
18 Ekeene, aye Omonene nigo okobabeeka aase are aaterere,
19 Barabwo nigo bagosirigwa rioka,
20 Nigo banga buna chindoto omonto akweba mambia gakoboka.
21 Ekero narenge nobororo ase omoyo ime,
22 Nigo nabeete omoriri mono, tinamanya gento;
23 Nonya naboigo, inche nigo ngendererete kobeera asore botambe,
24 Aye nigo okondaa na gonsemia,
25 Inee! Ning’o naende imbwate aaria igoro, otatiga aye bweka?
26 Omobere one na enkoro yane nabo biranyare koborwa chinguru,
27 Rora, abanto abwo bagweatanana korwa asore nabasire;
28 Korende ase ’nde inche, nigo ere buya mono kobeera ang’e na Nyasae.