1 Aye Omonene, aye chinguru chiane, ningwanchete mono!
2 Omonene nere egetare kiane na eburi yane y’ogokumia,
3 Nindangerie Omonene, oyo ogwenerete gotogigwa,
4 Obororo bw’amakweri bokong’etanana,
5 Obobe bw’amakweri nigo bwang’etananete,
6 Ase emechando yane nkarangeri’Omonene,
7 Erio ense ekanyegerigwa na koondoka,
8 Erioki rigasoka korwa ase chimioro chiaye,
9 Akang’usa igoro gocha inse aa, agacha;
10 Akariina egetongwa kebwate chimbaba, akairuruka,
11 Agakora omosunte koba egietubo kiaye ere omonyenye,
12 Korwa ase obomeka-meku obwo bwarenge bosio bwaye
13 Omonene agaaka enkoba korwa igoro;
14 Akaruta emegwe yaye, agaserebania ababisa baye;
15 Erio ebiambokero bi’enyancha bikarorekana,
16 Omonene akarambora okoboko kwaye korwa igoro, akambwata,
17 Agantooria korwa ase omobisa one ore ne chinguru,
18 Ekero narenge nemechando bakandwania,
19 Akang’ira aase arenge aagare;
20 Omonene nigo ang’ete eng’eria y’obuya, ekiagera inde omooronge,
21 Inche nabeire nkobwatia chinchera chia Omonene,
22 Nabeire nkorenda amachiiko aye onsi,
23 Nigo narenge omoikeranu asare,
24 Omonene ong’akanire, ekiagera ngokora ayare boronge,
25 Aye Omonene, nigo ore omwegenwa ase abwo bare abegenwa,
26 Aye nigo ore omochenu ase abwo bare abachenu;
27 Aye nigo ogotooria abanto bare abaitongo,
28 Ee, naye ogontongeria etaya yane;
29 Konde amo naye, nigo ndasirie omoganda bw’esegi;
30 Enchera ya Nyasae neng’ikeranu,
31 Inee! Ning’o ore Nyasae, otatiga Omonene?
32 Nyasae nere okomboyia chinguru
33 Ere okorire amagoro aane abeire buna ey’egesia,
34 Ere bworokereirie amaboko aane korwana esegi,
35 Aye kwang’eire enguba yao ase ogontooria,
36 Kwang’eire aase aagare ngotaara,
37 Nkabwatia ababisa baane, nkabaikeera inchera;
38 Nkabaaka inse nkabasenyenta, tibanyara koimoka,
39 Aye nigo kwambegete chinguru chi’okorwana esegi;
40 Ogakora ababisa baane bagatama korwa asende;
41 Abanto aba bakarera ng’a bakonywe, korende onde tarenge obatooretie,
42 Nkabasunyunta bakaba ebuse ekoirurukigwa nomwaga;
43 Aye gwantooririe korwa ase okoamererania nabaanto,
44 Ekero baigure chinkuma chiane nigo bakonyigwera;
45 Abanto b’ebisaku ebiaao berusirie moyo
46 Omonene nigo are moyo! Ere oyore egetare kiane atogigwe!
47 Nyasae nigo akonduseria egesiomba,
48 Ere nigo antooretie korwa ase ababisa baane,
49 Aye Omonene, ase ayio ningotogie ase egati y’abanto b’ebisaku,
50 Nyasae ong’eire inche, omorwoti oye, obobui obonene,