1 Aye Omonene, tegerera oigwe okogania kwane kw’ogokorerwa oboronge,
2 Aye omonyene onachere ekiina gi’okong’a oboronge,
3 Aye Omonene, kwarengire enkoro yane,
4 Mang’ana ande onsi abanto bagokora,
5 Nabeire nkobwatia chinchera chiao botambe;
6 Nyasae, nigo ngokorangeria ng’a onkonye, ekiagera aye nong’itabere;
7 Aye Omotooria bw’abagotamera
8 Indende buna orendete endorero y’eriso riao;
9 mbise korwa ase abakori amabe, abarigetie gonsiria,
10 Abanto abwo bare ne chinkoro chitari namaabera
11 Bono bang’etananire ase chinsemo chionsi;
12 Barabwo nigo banga buna endo eganetie orotwari;
13 Omonene, gaki imoka! Orwanie ababisa baane obabue!
14 Ee, Omonene, ntoorie nokoboko kwao korwa ase abanto abwo.
15 Korende inche nindore obosio bwao inde noboronge;