1 “Ekero omonto are ase ense,
2 Buna koreng’ana omosomba akogania anyore aase agokenderera,
3 naboigo nainche ngendererete koba nobobe omotienyi ase omotienyi,
4 Ekero nararire nigo nkobooria: Indi bogocha gokia mboke?
5 Amakonde ne riko biatubire omobere one;
6 Amatuko ’obogima bwane nigo agoeta bwango kobua egekorero gi’okoroisia egetambaa,
7 “Manya ng’a obogima bwane nigo bore buna embeo bosa;
8 Omonto ondoche bono takondora naende nonya ng’ake,
9 Buna koreng’ana riire rigokubakubana riasira,
10 Oyio takoirana gocha mwaye,
11 Ase ayio, tinkonyara gokira tinkwana,
12 “Nase ki obegete oborendi igoro yane?
13 Ekero nkorengereria ng’a oborere bwane mbonyare kondemia,
14 erio aye nigo okongosa ase ogontomera chindoto
15 Ase igo nachorire ng’a ng’entwe inkwe,
16 Nagechire obogima bwane; tinganeti kogenderera koba moyo.
17 “Inee! Omonto ninki aisaine,
18 Nigo okomorigereria kera emambia,
19 Inee! Nengaki eng’ana naki ogochia koba gokona‐kondigereria?
20 Aye omorigereria bw’abaanto, onye ngokora ebibe, ninki nagokoreire?
21 Nase ki otakonyabera ogosaria kwane,