1 “Inee! Nomanyete chingaki ekero chimbori chi’orosana chikobiara?
2 Nonyare komanya omobaro bw’emetienyi chigokoora,
3 Nigo chigwekumba chiabiara chimanwa chiabo,
4 Chimanwa chiabo nigo chikoba ne chinguru chiakinera ase orosana.
5 “Ning’o otigire etigere y’orosana esiboire?
6 Inche nayeeire ekerubo ekiomo kebe enka yaye,
7 Ero nigo egochaaya eriogi rire ase omochie,
8 Nigo ekona‐kogenda aaria na aaria ase ebitunwa ekorisia,
9 “Inee! Eng’era nayanche egokorere emeremo?
10 Inee! Nonyare koyesiba ne chingori eete ase emeng’ororia ye chintinde?
11 Inee! Noyesemerie ekiagera ere ne chinguru chinyinge?
12 Inee! Nigo oyiegenete ng’a neirane
13 “Esagero nigo egosamunsa chimbaaba chiaye chioga;
14 Esagero eaberi nigo egotiga amagena aye ase amaroba ime
15 Ero nigo ekoyeba, tekomanya ng’a naatwe namagoro,
16 Nigo ere entindi mono ase ebichuchu biaye,
17 ekiagera Nyasae nigo ayerinete obong’aini,
18 Ekero ekoimokerera igoro, egwesamunsa eminyoke,
19 “Inee! Naye okoa ebarasi chinguru?
20 Naye oyeete chinguru egocharokera buna engige?
21 Nigo egokura‐kura riroba ase ense omweya, yagokera chinguru chiaye.
22 Ero nigo egosekerera obwoba, teri koondokigwa na kende;
23 Chinsara nigo chikorutwa chiaba chikwoga goeta igoro yaye,
24 Nigo egotitiria riroba ere nobotindi na ekeririanda,
25 Ekero egetureeri gekobugigwa, nigo ekwana eriogi riaye ri’okoega‐ega.
26 “Inee! Nobong’aini bwao bokogera ekebaki kiairuruka igoro,
27 Inee! Naye ogochika ekeongo kiairuruka gochia igoro,
28 Ekeongo nigo gekomenya ase egetare;
29 Korwa aaria igoro nigo kegotengera ebi kegotwara,
30 Amage aye nigo akonywa amanyinga,