1 Erio Ayubu akairaneria, akabora:
2 Ekeene, inwe ninwe abanto bori,
3 Korende nainche nabo inde nokomanya buna inwe,
4 Abasani baane nigo bagonchecheria, inche oyo narenge korangeria Nyasae,
5 Omonto otari na mechando ende, nigo agochaaya emechando,
6 Chinka chi’abauri nigo chigendererete koba nomorembe,
7 Bono boria ching’iti, nchikworokererie;
8 gose kwana ne riroba, ndikworokererie,
9 Ning’o otamanyeti amang’ana aya onsi
10 Obogima bwa kera egetongwa kere moyo
11 Inee! Amang’ana ogoto gokoigwa, tikori koyateema
12 Obong’aini nigo bore ase abanto abanene,
13 Korende Nyasae nigo are nobong’aini na okobua,
14 Ere aise gotagora, onde tari oraagache naende;
15 Aise gotanga amaache, ense igo erome pa,
16 Chinguru na obong’aini nigo bikorwa asare.
17 Omonene nigo akoombogania abare abasemia obatiga getirianda,
18 Nigo agosibora chinkini chi’abarwoti,
19 Ere nigo akoombogania abakuani,
20 Abanto abwo basemeirie nigo akobaura amang’ana bagokwana,
21 Omonene nigo akorentera abagaambi ogochaywa,
22 Ere nigo akoorokia obobisi ase omosunte,
23 Nigo agokinia ebisaku, naende obisiria;
24 Ere nigo akorusia obong’aini ase abatang’ani b’abaanto bare ase ense,
25 Abanto abwo nigo bagotaba‐taba ase omosunte borabu botaiyo,