1 Erio Sofari Omonaama agakwana, akabora:
2 “Inee! Amang’ana aya amange natigwe tairanerigwa?
3 Inee! Amang’ana ao atari nengencho nagere abanto bakire‐kiri?
4 Aye nigo ogoteeba ng’a amang’ana ogokwana nay’ekeene,
5 Korende onye ndiria Nyasae are gokwana
6 erinde akomaanorere orore obobisi bw’obong’aini!
7 “Inee! Nonyare komanya ebinto bia Nyasae bibisekanete?
8 Onye bore obonene gochia igoro, inki oranyare gokora?
9 Obotambe bwaye nigo boetanetie obw’ense,
10 Karaete asibe abanto,
11 Ere nigo amanyete abanto batagwenereti.
12 Onye omoriri okonyara koba omong’aini,
13 “Oise kwebeeka ang’e ase enkoro yao gokora amaronge,
14 onye kogotuguta ebibe bire ase amaboko ao,
15 amaene, rirorio norigererie otari na komocha,
16 Nigo orebe emechando yao,
17 Na obogima bwao nigo borarabe se kobua erioba ria mobaso gati;
18 Aye nomenye kore noboremu, ekiagera ogosemeria nkoreo;
19 Ekero okorara, monto onde tagokwoboyia;
20 Korende abakori amabe mbabe bakouna‐una ase omosunte, tibakorora omobaso.