1 Xenhe'ẽ, eroporaei ke Senhor!
2 Ajukue puku py rami renheovã 'rã nerexakãa py.
3 Yy yvate rupi oĩ va'e áry nderorã rejapo.
4 Ndevygua anjo kuery rejapo 'rã yvytu,
5 Yvy ma remboyta raka'e
6 Ijaorã typya remoĩ vy renhovã.
7 Ha'e gui ma ndeayvu ramove oxyry ju ovy,
8 Ha'e ramo yvyty opu'ã jekuaa ju,
9 Yy remberã guive remoĩ oaxave e'ỹ aguã,
10 Ha'e gui yvyugua rupi rejapo yvu oĩ aguã rami,
11 Ha'e va'e gui ka'aguy rupigua ha'e javi oy'u 'rã,
12 Yakã yvýry ma guyra'i ojapo 'rã guaityrã,
13 Yva re reĩa gui remoakỹ 'rã yvyty ikuaia rupi.
14 Nhuũ ma rejapo 'rã mymba kuery rembi'urã henhoĩ aguã rami,
15 uva rykue imbovy'aarã,
16 Yvyra ikuai va'e voi Senhor gui vy oiko porã avi 'rã,
17 Ha'e va'e re ma guyra'i ojapo 'rã guaityrã.
18 Yvyty áry ikuai 'rã kavara ka'aguy regua,
19 Jaxy ma rejapo ára kuaa ukaarã,
20 Ha'e gui pytũ ma rembou 'rã
21 Guary ra'y kuery ma okororõ 'rã guembiarã re,
22 Kuaray oẽ ju ramo ha'e kuery ojevypa ju 'rã,
23 Ha'e rã avakue ju ma oje'oi 'rã omba'eapo aguã.
24 Senhor, joo ramigua e'ỹ-e'ỹ rejapo va'ekue ikuai!
25 Oĩ avi ye'ẽ hembe'ỹ ha'e tuvixa va'e.
26 Hi'áry rupi oaxa 'rã kanoã guaxu.
27 Ha'e kuery ha'e javi oarõ 'rã okuapy ndepo guigua
28 Reme'ẽ ramo 'rãe ha'e kuery ojou.
29 Nderejexa ukai ri ramo okyjepa 'rã.
30 Ha'e gui ma nenhe'ẽ rembou vy remoingo'i 'rã.
31 Tove Senhor rexakãa toĩ raka'e rã peve.
32 Yvy re ha'e oma'ẽ ramo rive oryryipa 'rã.
33 Aporaei 'rã Senhor pe aikovea ja.
34 Hexe xema'endu'a ramo toguerovy'a.
35 Ha'e rã ojejavypa rei va'e kuery ma tokanhymba yvy gui,