1 Huvixa reve rekaru aguã nemboguapy ri ramo
2 Emboaxa peteĩ kyxe ndejyryvi re,
3 He'uxepa rei eme tembi'u porã omoĩmba teĩ,
4 Enhea'ã rei eme rerekopaxea rupi rive,
5 Mba'emo rei re rive teve rema'ẽ riae ta?
6 Nda'evei hakate'ỹ va'e rembi'u re rekaru aguã,
7 Mba'eta ha'e va'e oikuaa pota rei 'rã ndere, ha'e ramigua ae vy.
8 Ha'e gui rembojevypa ju 'rã re'u vaipa vyvoi va'ekue,
9 Ndeayvu eme hi'arandu e'ỹ va'e kuery oendu aguã,
10 Perova eme yvy markaarã yma omo'ã mbyre,
11 mba'eta ha'e kuery Repyarã ma imbaraete,
12 Emoĩ ndepy'a re nembo'eague,
13 Emo'arandu e'ỹ eme kyrĩgue.
14 Yvyra rovi'i py reinupã vy
15 Xera'y, ndepy'a py ne'arandu ramo
16 Ha'evea rupi ndeayvu ramo
17 Ndepy'a py eroangeko rei eme ojejavypa rei va'e ikuaia.
18 Mba'eta ha'e rami vy 'rãe nerenonde oĩ porã,
19 Xera'y, endu ke ne'arandu aguã,
20 Enhemoirũ eme vinho gui oka'u rei va'e kuery reve,
21 Mba'eta oy'u raxa ha'e okaru guaxu va'e ma iporiaupa 'rã,
22 Endu ke nderu ndere ta'y va'ekue ayvu.
23 Ejogua ke anhetẽ va'e, ha'e gui emboekovia ju eme.
24 Heko porã va'e ru ma ovy'a vaipa 'rã,
25 Tandererovy'a nderu ha'e ndexy,
26 Xera'y, eme'ẽ xevy nekuraxõ,
27 Mba'eta kunha itavy rei va'e ma yvykua puku va'e rami,
28 Ha'e nunga kunha ma jojuka va'ety rami oma'ẽ mbegue 'rã oiny joe,
29 Mava'e pe 'rã tu haxypa rei?
30 Vinho oy'ua rupi tema ikuai va'e pegua ae,
31 Ema'ẽ rive ke vinho pytã porã rei va'e re,
32 va'eri opaa py ma ndexu'u 'rã mboi rami,
33 Rexa 'rã mba'emo vaikue,
34 Renhenhandu 'rã ye'ẽ mbyte oguataa rupi onheno oupy va'e rami,
35 Ha'e vy aipo're 'rã: “Xepetea ra'e va'eri ndaxyi!