1 Nhandero py jajoguero'apa rei reve xo'o ja'u vaipa 'rãgue py
2 Ta'y kuery oxĩmba aguã rupi ikuai va'e gui ma tembiguai kuery hi'arandu va'e ipo'akave 'rã,
3 Prata ma hi'angaarã py 'rã nhamoĩ, ha'e ouro ma tata py,
4 Heko vai va'e ojapyxaka 'rã mba'emo vai rupi ijayvu va'e re,
5 Iporiaukue'i jojai reia kuery ma Imoingoare re voi ijayvu rei rire
6 Tamoĩ kuery oguerovy'a 'rã guamymino kuery,
7 Hi'arandu e'ỹ va'e nda'ijayvu porã kuaai 'rãe,
8 Ha'eve'ỹa rami ojapo ukaxe vy mba'emo ome'ẽ va'e oikuaa teĩ oipota va'e rei ita ojapoa rami,
9 Amboae kuery ojejavyague ndoikuaa ukai va'e oexa uka oayvua,
10 Hi'arandu e'ỹ va'e cem-kue oinupãa teĩ noendui 'rã merami,
11 Nanhonhe'ẽ rendui va'e kuery onhea'ã mba'emo vai re anho.
12 Urso gua'y'i re inharõ va'e reve nhanhovaexĩa gui nda'eveive
13 Amongue pe ojapo porãa 'rãgue py mba'emo vai re omboekovia rire
14 Yy ombotyague gui oxyry xapy'aa rami avi jajoguero'a ypya.
15 Senhor ndojou porãi 'rã heko vai va'e omboeko porã rivea rã,
16 Hi'arandu e'ỹ va'e o'arandurã ojoguaxe vy merami peráta oguereko opo py,
17 Nhaneirũ kuery nhanderayvu 'rã jaikoa jave re,
18 Avakue hi'arandu e'ỹ va'e onhemoĩ vai uka rive vy
19 Joguero'a reixe vai va'e ojejavy reia rupi rive 'rã ikuai,
20 Anhetẽ rupi e'ỹ ipy'a va'e ndojoui 'rã ha'eve va'e,
21 Ta'y hi'arandu e'ỹ va'e omomboriau 'rã nguu kuery.
22 Nhandepy'a py vy'aa ma moã porã rami 'rã oĩ,
23 Heko vai va'e onhevende nhemi 'rã peráta re,
24 Mba'emo oikuaa va'e onhea'ã 'rã hi'aranduve aguã anho,
25 Ta'y hi'arandu e'ỹ va'e omomboriau 'rã nguu,
26 Heko porã va'e nhambopaga aguã nda'evei,
27 Ayvu py ojejoko va'e ma hi'arandu va'e,
28 Hi'arandu e'ỹ va'e teĩ okyrirĩ oiny rã jaikuaa 'rã hi'arandua rami,