1 Nhambovai porã'i ramo ipoxy va'e opytu'u 'rã ipoxya gui,
2 Hi'arandu va'e ijayvu rã jajou porã 'rã hi'arandua,
3 Senhor oexa 'rã opa rupi,
4 Ayvu porã ma yvyra tekove me'ẽa,
5 Hi'arandu e'ỹ va'e ma tuu ombo'e ta teĩ noenduxei 'rã,
6 Heko porã va'e ro py heta 'rã oĩ iporã va'e anho,
7 Hi'arandu va'e ijayvua py oexa uka 'rã hi'arandua,
8 Heko vai va'e Senhor pe mba'emo ome'ẽ teĩ ojeguaru 'rã,
9 Heko vai va'e reko gui Senhor ojeguaru,
10 Tape porã gui ojepe'a va'e ma ombopagaa raxa 'rã,
11 Yvy manoa ha'e ikua vaikue Senhor oikuaapa va'e vy
12 Jojojai rei va'e ma imongetaa re nda'ija'ei 'rã,
13 Nhandepy'a re vy'a oĩ va'e ojapo 'rã nhanderova porã rei aguã rami,
14 Hi'arandu va'e py'a re oĩ oiko kuaaxea,
15 Ojexavai rei va'e ára ma nda'evei va'e meme,
16 Jarekopa reve nhandereko eta rei 'rãgue py
17 Jajoayvua rupi e'ỹ vaka ikyrave va'e ro'o mbixy ja'u 'rãgue py
18 Ivai ja rei va'e jogueropoxy rive 'rã,
19 Inhate'ỹ va'e oikoa ma tape juu anho ikuaia rami,
20 Ta'y hi'arandu va'e ombovy'a 'rã nguu,
21 Hi'arandu e'ỹ va'e oguerovy'a rei 'rã ijarakuaa e'ỹa,
22 Nhanemongetaarã ndoikoi ramo jaipota va'e voi ndoikoi avi 'rã,
23 Avakue ha'evea rami ombovai vy ovy'a 'rã,
24 Hi'arandu va'e tape ooa va'e ma yvate 'rã oo tekove katy,
25 Senhor oitypa 'rã ojejou porã rei va'e ro,
26 Senhor ojeguaru heko vai va'e kuery onhembopy'aa gui,
27 Jokorea rupi ojou-joupavexe va'e ombojexavai 'rã ngoo pygua kuery,
28 Heko porã va'e onhembopy'a porã ranhe 'rã ombovai kuaa aguã,
29 Heko vai va'e ikuaia gui Senhor mombyry oĩ,
30 Nhandererovy'aa rupi oma'ẽa ramo javy'a 'rã,
31 Ha'evea rupi nhanemongetaa rã jajapyxaka vy
32 Nonhemo'arandu ukai va'e ha'e ae guekove nombovarei,
33 Senhor renonde jajererokyjea rupi jaiko ramo nhanembo'e 'rã 'arandu re,