1 Senhor, nema'endu'a ke mba'emo vai orere oiko va'ekue re.
2 Oreyvyrã reme'ẽ va'ekue oaxapa ma amboae regua kuery pe,
3 Ore kuery ma tyre'ỹ tuu ve'ỹ va'e rami orekuai.
4 Yy roy'u va'erã ma peráta re rive 'rã rojogua,
5 Orerakykue monhaa kuery ma oreaju'y re ma ikuai.
6 Egito ha'e Assíria pygua kuery pe rojejopy uka
7 Oreru kuery ma ojejavypa rire jipovei ma.
8 Escravo kuery rive 'rã ipo'aka orere.
9 Rojeayvu e'ỹkue py 'rã rojou ro'u va'erã,
10 Karuai roendu vaipa ramo
11 Sião py oguero'apaa kunhague ikuai va'e,
12 Hovaigua kuery ojyryvipypa yvatekueve va'ekue,
13 Ha'e rã kunumigue ma ogueraa 'rã mba'emo mongu'ia py omba'eapo aguã,
14 Ha'e ramo nhomongetaa rupi ikuai va'ekue ma ndoguapyvei ma tetã kora rokẽ py,
15 Rovy'aague okanhymba ma orekuraxõ gui.
16 Oreakã gui ho'a ma akã regua oĩ va'ekue.
17 Ha'e nunga rupi ae orekuraxõ py oremba'eaxy,
18 Sião yvyty ombovaipaa rire
19 Ha'e rã ndee Senhor, ndepo'aka riae 'rã.
20 Mba'e re tu riae ta ri nderexarai orere?
21 Senhor, orereko rerova ju ke ndejeupe guarã.
22 Mba'e re tu orerejapa ete ri?