1 Xee ma ava jexavai aendu va'ekue
2 Mba'eta xereraa vy ojapo karamboae pytũ rupi aiko aguã,
3 Mbovykue rei e'ỹ xerovai omoĩ opo,
4 Omoxorĩmba xero'o, xepire voi.
5 Xerovai omopu'ã xejokoarã kuery.
6 Ojapo pytũa py xerekoa aguã rami,
7 Kora py xejoko rã nda'evevei ma aẽ aguã.
8 Ajerure ha'e ajapukai teĩ
9 Ita guaxu omoatyrõ mbyre py ojopia xerape,
10 Xerarõ oiny urso oma'ẽ mbegue va'e rami,
11 Ha'e rami vy xerape gui xepe'a xapy'a vy xemboa'ypa.
12 Guapa oipira vy
13 Xekuraxõ re oipyxo
14 Xeapo xeretarã kuery ha'e javi xejojai aguã rami.
15 Jexavaia re anho xemongaru,
16 Xeapo ita ra'y re xeraĩ amopẽmba aguã rami.
17 Xenhe'ẽ gui oipe'a aiko porã aguã va'ekue.
18 Ha'e rami vy “Opa ma xeporãague,
19 Nema'endu'a nho ajexavaia ha'e ajae'o aikovya re,
20 Xee ma ha'e nunga re xema'endu'a riae aikovy xenhe'ẽ py.
21 Ha'e rami teĩ xema'endu'axe ju
22 Mba'eta Senhor nhanemboaxy ramo nanhanemombaai,
23 Opa mba'e py ojeroviapy reiko vy
24 Xejeupe ae aipoa'e: “Xevy guarã oĩ va'e ma Senhor ae.
25 Senhor opena porã 'rã harõa kuery re,
26 Ha'eve nharõ Senhor nhandereraa jepe aguã,
27 Nhandevy pe ha'eve
28 Ha'e rami vy tajaguapy nhande ae'ia py, tanhakyrirĩ nhainy,
29 Tajajero'a nhanderova yvy ku'i re omovaẽ peve.
30 Tanhaunga uka nhanderova nhaneungaxe va'e pe.
31 Mba'eta Senhor ma
32 Xapy'a rei nhanemomboriau ranhe teĩ
33 Mba'eta nhomoingo axyxe reia py e'ỹ
34 Xapy'a rei amongue opyrõ imoiny 'rã
35 ha'e rami e'ỹ vy Yvate ete va'e renonde teĩ
36 ha'e rami e'ỹ vy avakue ojerure rã oendu rive 'rã,
37 Mava'e ayvu rupi rive tu mba'emo oiko 'rã,
38 Yvate ete va'e gui nda'u ndoikoi 'rã ri
39 Mba'e re tu ha'vy avakue imarã va'e ndojou porãia rupi ijayvu,
40 Jaikuaa pota ke jaikoa re ae.
41 Nhandepo jaupi reve ke nhanekuraxõ voi jaupi
42 “Rojejavy, noronhe'ẽ rendui guive ramo
43 Ndee ma ndepoxya py oreao'i reve orerakykue monha.
44 Arai py renhemi
45 Yty omombo pyrã rami rive oremoingo
46 Orerovai orerovaigua kuery ha'e javi
47 Ore'áry ou ndorerekorãvei aguã ha'e yvykua py orembo'aarã,
48 Xeretarã kuery omokanhymbaa rã
49 Xerexa ojae'o tema.
50 Senhor opena e'ỹa ja,
51 Mba'emo aexa va'e gui xeporiau xenhe'ẽ py,
52 Mba'e re'ỹ xerovaigua kuery
53 Xemombaxe vy xemombo yvykua py,
54 Xeakã áry rupi yy oxyry atã ouvy.
55 Ha'e gui ma Senhor, yvykua pukuvea py aĩa gui
56 Ha'e ramo ndee rendu xeayvua.
57 Ndevy pe ajapukaia ára ndee ae renhemboja xere.
58 Senhor, xerekove re reikuaa pota vy
59 Senhor, rexa reiny ha'eve'ỹa rami xerereko okuapyague.
60 Rexapa xeapo vai okuapya
61 Senhor, rendu xere ijayvu rei okuapy rã,
62 xerovaigua kuery xerekokue ramigua rive omombe'u rã,
63 Exa pota tema ha'e kuery re, oguapy ha'e opu'ã ju ramo.
64 Senhor, ndee rembopaga 'rã
65 Remopytũmba 'rã ha'e kuery py'a,
66 Ndepoxya py remonha 'rã heravy.