1 — Ndee renoẽ 'rã teve jakare pytã pinda py rive,
2 Jai 'ygue remboaxa 'rã teve inhapyĩgua rupi?
3 Ndevy pe ha'e ojerure 'rã teve mba'emo re?
4 Ndereve ojapo 'rã teve peteĩ rami pendekuai aguã?
5 Rembojaru 'rã teve guyra'i rami?
6 Neirũ kuery teve jogueroayvu 'rã hepyrã oikuaa aguã?
7 Pira kutua py teve reikutupa 'rã ipire,
8 Hexe repoko ri vy nema'endu'a riae 'rã nderero'aague re,
9 Ma'ẽ, pembo'a aguã pearõ ri vy pejekore 'rã.
10 Avakue ipy'a guaxukueve teĩ ndoikoi omyĩ va'erã.
11 Mava'e tu ha'e ranhe xevy ome'ẽ mba'emo, xee ju amboekovia aguã?
12 — Xeayvuve ta jakare reko re,
13 Mava'e tu oipiro 'rã ikupe rupi,
14 Mava'e tu oipe'a 'rã ijuru?
15 Ipekue hyxy ovya re ma ojejou porã,
16 Peteĩ-teĩ joe ovaẽ oiny
17 Peteĩ-teĩ joe ovy vy
18 Ipytuẽ nhavõ ojekuaa 'rã hendy va'e,
19 Ijuru gui ma oẽ 'rã hendy va'e,
20 Inhapyĩgua gui ma oẽ 'rã hataxĩ,
21 Ipytuẽa ma omoendy 'rã tapyĩũ.
22 Ijaju'y re ma imbaraetea oĩ.
23 Ho'o regua ma oje'a ratã 'rã.
24 Ipy'a ma ita rami hatã,
25 Ha'e opu'ã ramo ipy'a guaxukueve voi onhemondyi 'rã okuapy.
26 Xapy'a rei kyxe py omboguaia teĩ mba'eve ndojapoi 'rã,
27 Ferro guigua ha'e oikuaa rã jai rogue pirukue rami rive,
28 Hu'y gui ma ha'e nonhai 'rã.
29 Yvyra aygue py ojapia rã jai 'ygue rami rive 'rã oendu,
30 Hye guy rupi oĩ ipekue hakua va'e.
31 Yy guy katy oike vy ojapo 'rã oja opupu va'e yjuipaa rami,
32 Guakykue oeja 'rã hape ovy va'e overa aguã rami.
33 Yvy re jipoi 'rã ha'e ramigua,
34 Yvatekueve ha'e javi re oma'ẽ vy nombovarei 'rã,