1 — Xerexa reve ajapo ma areko aguã.
2 Ha'e rami rire mba'e 'rã tu xee ajopy Nhanderuete yvategua gui,
3 Mba'eta heko vai va'e peguarã omoĩ okanhy aguã,
4 Ha'e rã xee aikoa ma Nhanderuete oexapa,
5 — Ha'e gui aiko porã merami rive va'e rire,
6 (Nhanderuete toikuaa pota porã xere,
7 xapy'a rei tape porã gui ajepe'a vy
8 ha'e rami ri ramo amboae kuery rive to'u xee ama'etỹague gui,
9 — Xapy'a rei xekuraxõ py kunha mboae re anhembotavy uka,
10 ha'e ramo xera'yxy tojapo tembi'u amboae ava pe,
11 Mba'eta ha'e rami aiko va'e rire nda'evei ete 'rãgue,
12 Ha'e ramigua ma tata rami ombovaipa 'rãgue opa peve,
13 — Xapy'a rei xerembiguai ava e'ỹ vy kunha mba'e
14 mba'e tu xee ajapo 'rãgue Nhanderuete xere opu'ã ramo?
15 Mba'eta xeryru'i py aĩ aguã xemoingo va'ekue e'ỹ ri ty'y ha'e kuery voi omoingo raka'e?
16 — Xapy'a rei iporiaukue'i oipota va'e name'ẽi vy
17 ha'e rami e'ỹ vy xee ae'ia py akaru va'e rire
18 (mba'eta xekunumi guive xereve ae areko tuu rami,
19 xapy'a rei ijao e'ỹ va'e ojexavai rã ama'ẽ rive va'e rire,
20 xapy'a rei xerymba vexa'i rague py namboakui ramo
21 xapy'a rei okẽ py joguerekoa kuery ikuai va'e xemboeko porã reve teĩ
22 ha'e rami ri ramo to'a rive xeaxi'y kãgue,
23 Mba'eta ha'e rami va'e rire Nhanderuete xembopaga aguã gui ndaxerekorãvei 'rãgue,
24 — Xapy'a rei ouro re rive ajerovia vy
25 xapy'a rei arekopa etea
26 xapy'a rei kuaray rexakãa re,
27 xepy'a py ajekore nhemia rupi
28 ha'e va'e py voi ajejavy 'rãgue joguerekoa kuery xembopaga aguã rami,
29 — Ha'e gui xere ija'e'ỹ va'e kuery ojexavai rã aexa vy ndavy'ai,
30 Ha'e rami avi ndarojejavyi xejuru
31 Ha'e xero py ikuai va'e aipo nde'i:
32 mba'eta xee ndaejai yvy mboae guigua tape py rive pytũ oaxa aguã,
33 Ha'e gui Adão rami e'ỹ xepy'apy py nanhomi
34 Mba'eta xee ma heta va'e kuery gui ndakyjei,
35 Xeayvu renduarã oĩ va'e rire!
36 Ha'e va'e kuaxia para araa 'rãgue xeaxi'y áry,
37 Nhanderuete pe xee aikuaa uka 'rãgue aikoa ha'e javi.
38 — Xapy'a rei xemba'ety káuxa xere ijayvua,
39 xapy'a rei ijaju ma ramo ha'u omba'eapo va'e kuery pe ha'evea rami apaga e'ỹ re,
40 ha'e rami ri ramo trigo 'rãgue py juu rive toiko xevy,