1 — Mba'e re nda'u Ipo'akapa va'e noa'angai ri joe oikuaa pota aguã ára?
2 Mba'eta ikuai yvy markaa oguerova rive va'e,
3 Ha'e kuery oipe'a 'rã tyre'ỹ rymba mburika,
4 Ojexavai va'e kuery pe ojavy uka 'rã tape.
5 Ha'e va'e kuery ma omba'eapo aguã katy oje'oi 'rã kavaju'i tekoa e'ỹa rupigua rami,
6 Heko vai va'e mba'ety py omono'õ 'rã mba'emo aju,
7 Ipire rei reve oaxa 'rã pytũ ao oguereko e'ỹ vy.
8 Yvyty rupi inhakỹmba 'rã oky gui.
9 Tyre'ỹ'i kuery omboia 'rã okambua gui,
10 Ha'e ramo ha'e va'e kuery ipire rei va'e ikuai ao oguereko e'ỹ vy.
11 Heko vai va'e kuery roka py onhami 'rã azeite-rã,
12 Tetã rupi voi avakue ipoaẽ 'rã okuapy, ojeaipy kuery ojapukai 'rã onhe'ẽ py.
13 — Ha'e rã heko vai va'e ma hendy va'e rovaigua ikuai,
14 Ko'ẽ rai jave jojuka rive-rive va'e opu'ã vy
15 Itavy rei va'e voi oarõ 'rã pytũ'i ta maa.
16 Pytũ jave avakue oike 'rã joo rupi,
17 Mba'eta ha'e kuery ma ko'ẽa pe “Manoa pytũ guigua” he'i 'rã,
18 — Peẽ aipopeje: “Heko vai va'e kuery ma ogueraapaa vyvoi 'rã yxyrya py.
19 Ipirua ha'e haku ma yro'y omboyku-a rami avi
20 Ha'e ramo ha'e kuery re ixy ae hexarai 'rã,
21 imemby va'erã e'ỹ ha'e kuery omomba rire,
22 — Any! Ha'e rami 'rãgue py Nhanderuete ombaraetea rupi ombopukuve 'rã ojerovia rei va'e kuery ára.
23 Ha'e kuery pe ha'e ome'ẽ 'rã opytu'u aguã.
24 Ha'e kuery ma xapy'a'i 'rã omboyvatea.
25 Ha'e rami e'ỹ rã mava'e 'rã tu oikuaa uka xeapua,