1 Ha'e ramo Jó ombovai:
2 — Aỹ voi ju xeayvu ta opu'ã rei va'e rami,
3 Ai! Xee aikuaa va'e rire Nhanderuete ajou aguã!
4 Henonde anhemombe'u porã 'rãgue,
5 Ha'e rami vy xembovai rã aikuaa 'rãgue,
6 Opo'aka etea rupi nda'u ijayvu ete 'rãgue xevy?
7 Ha'e py ma heko porã va'e ijayvu 'rãgue hexeve,
8 — Ha'e rami teĩ ma'ẽ, xerenonde katy xee aa rã noĩ 'rã ha'e py.
9 Xeaxua katy mba'emo ojapo teĩ xee ndaexa reguai.
10 Ha'e rã ha'e ma oikuaapa xee aikoa.
11 Mba'eta xepy ma ha'e oikoa rupi anho oiko.
12 Ojuru py ojapo uka va'e gui xee ndajepe'ai,
13 Ha'e rã ha'e ma mba'emo ojapo aguã re onhembopy'a ramo
14 Ha'e rami vy ojapopa avi 'rã xerekorã re ijayvuague.
15 Ha'e nunga rupi xepy'a eta rei 'rã henonde.
16 Nhanderuete ojapo xepy'a re xekangya aendu aguã rami,
17 Mba'eta pytũ vaikue gui e'ỹ xekangya aendu,