1 Ha'e ramo Naamá pygua Zofar ju ombovai:
2 — Aikuaa va'e re xeayvuxe vy
3 Xee aendu ndeayvu etea xemoxĩmba va'e,
4 Ndee ndereikuaai teve ha'e javi oiko ypy guive,
5 heko vai va'e kuery xapy'a'i rive ovy'a okuapya,
6 Ha'e kuery ojejou porãa yva re peve oo,
7 hu'ũmba 'rã raka'e rã peve guarã, hepoxi rami rive.
8 Ha'e kuery ma oexa ra'u pyre rami okanhymba 'rã,
9 Hexaare kuery ndoexavei ma 'rã,
10 Ta'y kuery ju onhea'ã 'rã iporiaukue'i oguerorya rupi,
11 Ikãgue kunumi jave rami imbaraete teĩ,
12 — Ha'e kuery pe rã ijuru py mba'emo vai he'ẽ 'rã,
13 He'ẽ ramo nomokõxei vy
14 Ha'e rami teĩ hyepy py ma amboae rami 'rã ojeapo.
15 Mba'emo oguerekopa va'e omokõ va'ekue ombojevypa ju 'rã.
16 Mboi guigua veneno oy'u rire
17 Ha'e kuery ndoguerovy'ai 'rã yakã'i oexa vy,
18 Mba'eta omba'eapoague repy ojou va'ekue omokanhymba ju 'rã
19 ha'e kuery iporiaukue'i omoingo axy ha'e noipytyvõi rire,
20 — Oipotapa reia gui ndojepe'ai rire
21 Oipotapa reia gui ndopytu'ui rire
22 Ojoupa ete maa py ae 'rã ojexavai.
23 Ha'e kuery rye monyẽarã Nhanderuete ombou 'rã opoxy etea.
24 Tembiporu ferro guigua gui ha'e kuery ojava teĩ
25 Ha'e ramo okupe gui hu'y oekyi rã
26 Ha'e kuery peguarã omoĩa 'rã opa marã ojexavai aguã.
27 Yva gui oikuaa ukaa 'rã heko vaia.
28 Ngoo py oguerekopa va'ekue oipe'apaa 'rã
29 Ha'e ramigua ae 'rã avakue heko vai va'e ojopy Nhanderuete po gui.