1 Igamu niqu tinoni, kamu rongomidoua na omea inau sauba kau sasaniginigamu,
2 Inau sauba kau gini aqo na tsaqina na gokolia tana sasaniamui,
3 igira na omea igita a rongomigira nogo ma donaginigira,
4 Migita ka laka na poiaqira tanigira na daleda;
5 Aia e tusugira nina ketsa vanigira na tinoni ni Israel,
6 rongona ti na vatavata i muri kara donaginigira goto,
7 Mi tana nauvaganana nogo ia, ti sauba igira kara gini molo kalavatavia niqira vainorugi i konina God
8 Mi tana ti igira kara tau gini usuligira na mumuaqira,
9 Mi tana tagu e laba na vailabu, migira niqira alaala na mane vaumate na Epraim
10 Mara tau goto manalia niqira tabana na vaitasogi ara naua kolua God;
11 Ara padalegira sui na omea aia e aqosigira,
12 I mataqira nogo na mumuaqira God e aqosigira na valatsatsa,
13 Aia e sarovotâ na tasi me tudumigira mara liu mamatsa i laona;
14 Mi tana dani maia e mataliginigira kesa na parako,
15 Aia e tapaligira na maragova i laona na kaomate,
16 Maia e naua ma na ko e tavongani vuramai talu tana maragova
17 Ma na tinoni gira ara sasi babâ moa i matana God,
18 Igira ara tû mara tovolea God
19 Ara goko levolevo vania God mara tsarivaganana,
20 Eo, me mana rago nomoa laka aia e toubâ na maragova
21 Mi kalina na Taovia e rongomigira nina tinoni ara goko vaganana ia, maia e kore,
22 rongona igira ara tau saikesa tutunina God,
23 Mi tana maia e goko bâ vania na masaoka i gotu,
24 maia e sautsunamai gaqira mutsa kara gania,
25 Me vaga ia, migira ara gania gaqira mutsa na angelo,
26 Maia e naua me mai kakai na guguri votu,
27 maia e molomaia vanigira nina tinoni danga na manu,
28 mara viri lovopuka polipolia niqira valepolo.
29 Migira na tinoni ara tû mara adigira, mara ganigira mara masu;
30 Mi kalina igira ara sugulimutsangaqira
31 ma God e kore loki vanigira
32 Me atsa moa ti igira na tinoni ara reilakana na omea danga God e nauvanigira,
33 Me vaga ia, ma God e suilavagini lea vanigira niqira dani
34 Me pipi kalina God e matesigira visana vidaqira,
35 Mara padavisutugua laka tana idana aia nogo God niqira reitutugu,
36 Me pipi sui niqira tsaqina goko ara tsaria, na perona segeni moa;
37 Ara tau totukakai i konina aia;
38 Ma God aia e galuvegira nomoa nina tinoni.
39 Rongona aia e donagadovia laka igira na tinoni lê moa,
40 !E danga sosongo kalina igira ara petsakoe vania tana kaomate;
41 Na dani ma na dani igira ara tau goto kuti na tovoleana God,
42 Igira ara padale saikesalia na susuligana loki,
43 me naugira na omea loki ganataga ma na valatsatsa
44 Mi tana ma God e naua migira na ko loki ara lia na gabu,
45 Me mologira na kulikuli kara viri dangali poponoa na veraqira ma kara gati sekoligira,
46 Me mologira na kipo kara ganisuia niqira omea tsukatsuka,
47 Aia e matesiginia na kolina na usa kakai niqira itai na uaeni,
48 Ma na kolina na usa kakai e matesiginigotoa niqira buluka,
49 Aia e galasi sosongolia me momosa loki tobana,
50 Aia e tau goto dona ke baria na korena
51 Aia e labumatesigira sui na daleqira mane botsaida
52 Mi muri maia e tudumi rutsumigira nina tinoni tania na Ejipt
53 Aia e idagana sautu vanigira, mara tau goto matagunia sa omea;
54 Me adibagira nina tinoni tana nina kao tabu,
55 Maia e tsialigigira na tamanina nogo i tana,
56 Me atsa moa na Taovia e naua vanigira vaga ia,
57 mara petsakoe mara tau mana vania, vaga saikesa nogo ara naua igira na tamaqira i sau,
58 Na peona niqira god peropero ara gini tsaia na korena God
59 Ma God e gini kore loki sosongo kalina e reia na omea vaga ia,
60 Maia e tû, me vanoligi saikesa tania nina valepolo i Silo,
61 Me tamivanigira gada gala kara laua tanigita na Bokisi na Taso,
62 Aia e tobaseko vanigira nina tinoni segeni nogo ia
63 Igira niqira mane vaolu ara viri mate sui tana vailabu,
64 Migira na manetabu ara viri mate sui tana isi,
65 Mi tana susuina, maia na Taovia e mamata me tû vaga moa ti aia e vasini mamata tania na maturu;
66 Ti aia e tû me tsialigigira saikesa igira gana gala,
67 Me sove tanigira moa igira na kukuana a Josep,
68 Maia e tû moa, me ba viligira na puku konina a Juda,
69 Mi tana nogo aia e logoa nina Vale Tabu
70 Maia e vilia a David nina maneaqo;
71 i tana nogo aia e reitutugugira nina alaala na sipi,
72 Maia David e reitutugudougira rago me tau padaloki segenina,