1 Inau au ngangaidato vania God;
2 I laona niqu rota, minau au nongia na Taovia;
3 Mi kalina inau au padâ God, mau ngangai i laona na tobaqu;
4 Aia e tongovaniau na maturu mau mamata moa na bongi popono;
5 Au padavisugira na tagu ni sau
6 Tana bongi popono au totu tû moa mau papada sosongo;
7 “?Laka sauba nomoa na Taovia ke sove tanigita saviliu?
8 ?Laka aia e tau nogo galuvegita?
9 ?Me laka God e padalenogoa na saugaluve vaniada?
10 Mi muri minau au tsaria, “Ma na omea inau au gini rota loki bâ na padaana e vaga iani:
11 Taovia, sauba kau padatugugira nimu aqo loki igoe o naugira nogo;
12 Sauba kau papada tana rongoqira pipi sui lakalaka na omea igoe o naugira;
13 Pipi na omea igoe God o naugira ara tabu sui.
14 Igoe nogo na God o aqosigira na valatsatsa;
15 Tana susuligamu loki nogo igoe o laumaurisigira nimu tinoni,
16 Kalina igira na ko loki ara reigo igoe God, migira ara matagu sosongo,
17 Migira na parako ara tumuli tsunamaia na usa;
18 Ma na maququna nimu quluqulu e liu ao sosongo,
19 Igoe o liu tsapatugu i laona na panu;
20 Migoe o tudumigira nimu tinoni toga vaga nogo e kesa e reitutugudougira nina sipi,