1 ?God rongona gua ti igoe o piloligi tanigami vaga ia?
2 Ko padatugugira nimu tinoni, igira igoe nogo o viligira i sau,
3 Liu bâ i tana, mo ko reigira na omea sui ara toroutsa sui nogo;
4 Migira gamu gala ara viri gudato i laona nimu Vale Tabu;
5 Ara kavigira sui na tuguruna na valemu
6 Niqira rarati ma niqira molo
7 Mara tungigotoa nimu Vale Tabu;
8 Mara ngaogotoa kara tsogori rapasigami ma kami rapa saikesa;
9 Me tau goto totuvisu kesa na papadana laka igami ami nimu tinoni igoe;
10 ?God, sauba ke oka koegua igira gamami gala kara kiataginigo igoe?
11 ?Megua igoe ti o sove na sangaamami igami?
12 Migoe nogo God o taovia tsapakae vanigami tû mai nogo tana tuturigana tsotsodo,
13 Na limamu susuliga igoe o sarovotaginia na tasi
14 mo tairutugira na lovana Levaitan, aia na tuqana vigo na vua
15 Igoe nogo o aqosigira na ko vuravura ma na ko tsatsali;
16 O aqosia na dani ma na bongi;
17 migoe o molovania tana ke vosa na barangengo;
18 Mo ko padatugugotoa Taovia laka igira gamu gala ara totu matengana moa na kiataginiamu lê,
19 Migami nimu tinoni ami tau tangomana kami nausegenia sa omea.
20 Padatugua na vaitasogi igoe o naunogoa kolugami.
21 Laka na tamiana kara paluvangamaqira lê igira ara bingi sekoligira nogo;
22 !God, ko tû mo ko isutugumu segeni!
23 Mo ko laka goto na rongomileana niqira gû ara naua tana tobakore igira gamu gala,