1 !Niqu God ko savokaeau!
2 Au lulumi nogo i laona na boko mate,
3 Inau au kolae sosongo nogo na sosoa,
4 Ara danga liusia bâ na kolina na ivuqu igira ara reisaviau lê moa tagara sa rongona.
5 Niqu God, igira sui niqu sasi ara tau goto popoi tanigo;
6 !Laka na tamivaniaqu kau paluvangamaqira igira ara norugo dou igoe,
7 Tana rongomu nogo igoe te ara gini goko peapea vaniau inau,
8 Mau lia vaga moa ti na tinoni labavô i laoqira na tasiqu,
9 Ma na padalokiana na Valemu Tabu igoe niqu God,
10 Inau au tsoni vitoaqu segeni mau molotsunali segeniqu i matamu igoe,
11 Au sagelia na polo na roku,
12 Ara tû mara vaitsari gaqu bamai tana sautu loki,
13 Minau moa Taovia sauba kau nonginongi vanigo babâ moa,
14 Ko savokaeau ma kau tau lulumi tana boko mate;
15 Ko laka na tamiana ke tave tsavuau na obo loki;
16 !Rongomiau Taovia rongona igoe o dou sosongo ma nimu galuve e vo oli!
17 Laka na taopoi taniaqu inau nimu maneaqo.
18 Ko mai i koniqu mo ko maurisiau;
19 Igoe o dona nogo niqira gokopea ara nauvaniau,
20 Niqira gokopea ara sekoliau pitsu
21 Mi kalina au vitoa, migira ara palaginiau na tabatu;
22 Eo, migoe ko naua ma niqira mutsakolu ke sekoligira lê;
23 !Ko dokolia na mataqira ma kara koko sui!
24 Na koremu loki ke poda laba vanigira;
25 Ma kara totu mangu lê na nauna i tana ara totu niqira mane malagai;
26 Ara rotasigira igira igoe o kedegira nogo;
27 Ko maretsunâ na turupatuna pipi sui lakalaka niqira sasi;
28 Ko veoligia na soaqira tania na papi na mauri;
29 Inau au totu moa i laona na rota me ponopala saikesa na tobaqu.
30 Minau sauba kau linge ma kau tsonikaea niqu God;
31 Na omea vaga ia e dou sosongo bâ i matana God liusia na savori vaniana na buluka,
32 Mi kalina igira na tinoni ara bingi sekoligira kara reia e laba vaga ia,
33 Rongona na Taovia e rongomi vatavigira igira ara kilia na sasanga,
34 Tsonikaea God igamu sui na omea mamauri amu totu i baragata mi barangengo mi laona na tasi.
35 Sauba God ke maurisia nomoa na Jerusalem,
36 migira na kukuaqira nina tinoni aqo sauba kara tangolidatoa babâ na kao ia,