1 !Niqu God ko maurisiau tania na limaqira gaqu gala;
2 !Maurisiau tanigira na tinoni seko gira;
3 !Reigira bâ! Igira ara tû mara pipitu nogo rongona kara labumatesiau;
4 me tau goto tana rongona ke kesa niqu sasi inau au naua Taovia,
5 !Ko tû tsaku, Taovia God Susuliga Sosongo, ko mai mo ko sangaau;
6 Igira ara labavisumai tana ngulavi,
7 Rongomia bâ niqira goko peapea ma niqira goko vavanga ara tsonia.
8 Migoe Taovia o kiataginigira moa;
9 Minau au noru kalavatavia na susuligamu igoe;
10 Niqu God e galuveau maia sauba ke mai i koniqu;
11 Niqu God, ko laka na labumatesiaqira,
12 Na sasi e totu sailagi moa tana tutubena na mangaqira;
13 te e dou igoe ko matesiligigira tana koremu loki;
14 Igira gaqu gala ara visumai tana ngulavi,
15 ara vaga saikesa moa na pai ara kuviraru bamai rongona ara lave mutsa,
16 Minau sauba kau lingena tana rongona na susuligamu igoe, niqu God,
17 Igoe nogo na susuligaqu, me sauba kau lingena na tsonikaeamu.