1 Na tsaqina na goko laka ara labadato tana papadaqu,
2 Igoe o rerei dou bâ liusigira na mane sui.
3 Ko kautsikakaia na basana nimu isi igoe taovia tsapakae susuliga sosongo.
4 !Sage tana nimu ose mo ko bâ kolu susuligamu mo ko gini tangomana tana vailabu,
5 Nimu pipili sui ara viri vavanga,
6 Na veramu tana o taovia tsapakae, aia God nogo e tusua vanigo,
7 Igoe o reingaoa na omea e goto mo reisavia na omea e seko.
8 Na vuruna na bulunagai ma na ko sisigini dou ara viri sigini tana polomu.
9 I laona na alaala na baka daki ara totu i matamu igoe ara totu na daleqira igira na taovia tsapakae.
10 Igoe nina aneane na taovia tsapakae, ko rongomi vatavia na goko kau tsarivanigo,
11 Mi tana ti na taovia tsapakae ke reingaoa na rereimu dou;
12 Igira na tinoni ni Tire sauba kara adimai vanigo niqira vangalaka;
13 !Maia na dalena daki na taovia tsapakae aia e totu moa i laona na vokina, me dou sosongo bâ na rereina!
14 E sagelia na polo mamarega levolevo mara tudumi vanoa i matana na taovia tsapakae,
15 Tana magemage loki igira ara mai
16 Igoe niqu taovia tsapakae sauba ko tamanigira ke danga na dalemu mane
17 Mi tana linge iani au tea vanigo inau