1 Kara mage igira ara dona na sangaaqira na tinoni ara tau tamani sa omea;
2 Na Taovia sauba ke vangataogira me ke aragoa na mauriqira,
3 Na Taovia sauba ke sangagira kalina ti kara lobogu,
4 Minau au tsarivaganana, “Au sasi vanigo Taovia, migoe ko galuveau mo ko maurisiau.”
5 Igira gaqu gala ara keli seko vaniau,
6 Kalina igira ara mai na tsigoviaqu mara tsonia moa na goko kobakoba lê.
7 Igira sui ara reisaviau ara gini gagasa tana rongoqu inau,
8 Mara tsarivaganana, “Aia e tango sosongo nomoa,
9 Maia goto na kulaqu dou bâ aia au noru saikesalia,
10 Ko galuveau Taovia, mo ko naua ma kau susuliga doutugua,
11 Me ke utu vanigira goto kara tuliusiau inau,
12 Igoe sauba ko sangaau rongona inau au naua na omea e goto,
13 !Tsonikaea na Taovia, aia niqira God na Israel!