1 Na sasi e totu pukuga me aqoaqo i laona na tobana na tinoni vanga tsutsukibo;
2 Mi tana rongona nogo aia e padaloki segenina vaga ia,
3 Nina goko ara seko sui, me dangatovu na pero i laona;
4 Mi kalina aia e tsaro i nigena me totu matengana moa na pada manogatiana na omea seko sauba aia ke naua;
5 Taovia nimu galuve vo oli e dato e suâ na baragata;
6 Nimu gotolaka e dato ao vaga ti na vungavunga;
7 !Igoe God, e loki tsapakae nomoa nimu galuve vo oli!
8 Mami gania na mutsa dangadanga vaga igoe o vangaraua vanigami;
9 Igoe nogo na uluna na mauri sui.
10 Ko laka goto kuti na galuveaqira babâ igira ara donaginigo
11 Mo ko laka goto na tamivaniaqira igira na tinoni vanga kaekae kara tsogori pukaliau,
12 Ko reia iava tana ara puka bâ igira na tinoni seko.