1 !Taovia, ko tukapusigira igira ara tukapusiau,
2 Ko adia gamu tako ma gamu sagore
3 Ko saukaea nimu bao ma nimu kilekile,
4 !Ko utusigira igira ara tovoa laka kara labumatesiau inau;
5 !Kara vaga moa na rau matemate lê e lovosaginia na guguri
6 !Ma na sautu tana kara liu ke rodo me ke madali,
7 Ara tau lelê tamanina sa niqira rongona mara tû mara tavongani molovaniau gaqu taviti,
8 Ma na mate sauba ke tavongani gadovigira kalina igira ara tau padâ;
9 Mi tana ti inau kau gini mage tana rongona na omea e naua na Taovia,
10 Mi tana tobaqu popono sauba kau tsarivania na Taovia,
11 Igira na tinoni seko ara tû mara tavongani keli vaniau lê
12 Ara tuguvisu vaniau na seko tuguna na omea dou au naua,
13 Minau au tau nauvaganana vanigira ia. Tagara.
14 vaga moa kalina au nonginongi vania kesa na kulaqu se kesa na tasiqu.
15 Kalina inau au totu moa i laona na rota, migira sui ara gini mage,
16 Igira ara gilugaqu babâ moa,
17 ?Me laka ke oka koegua sagata ko momoro lê moa igoe Taovia?
18 Mi tana ti sauba inau kau soadougo i laona niqira saikolu nimu tinoni;
19 Ko laka na tamivaniaqira gaqu gala, igira na vanga pero,
20 Ara tau goto dona kara tsonia sa goko laka;
21 Ara tû mara gudato mara keli vaniau, mara tsarivaganana,
22 Eo, migoe nogo Taovia o reinogoa na omea iani.
23 Ko aligiri Taovia mo ko isutuguqu;
24 Taovia igoe o gotolaka saikesa,
25 Ko laka goto na tamivaniaqira kara goko ma kara tsarisegeniqira vaga iani,
26 Migoe Taovia ko naua, ma kara luvu lê igira ara gini mage tana rongona na rota e gadoviau inau,
27 Migira moa ara ngaoa laka ke managaqu inau,
28 Mi tana nogo ti sauba inau kau katevulagia laka igoe Taovia o gotolaka,