1 !Eo kiki, e totu mangu lê nomoa na verabau ni Jerusalem,
2 Mi tana bongi popono aia e ngangai moa;
3 Igira gana gala na Juda ara rotasi sosongoligira nina tinoni,
4 Igira sui na sautu ara vano kalea i Sion ara totu mangu lê,
5 Me managaqira igira gana gala na Jerusalem; mara tagaovi kaputia.
6 Gana tangirongo na Jerusalem aia na omea ni sau nogo.
7 Aia na Jerusalem e padavisua moa gana tangirongo ni sau.
8 Jerusalem e tsukigira danga na sasi loki me gini totu marasibiga,
9 Nina sasaga tabaru ara totu malemale saikesa,
10 Migira gana gala ara komigira pipi sui nina omea loki matena.
11 Igira nina tinoni ara kukungu kalina ara lalave gaqira mutsa.
12 Maia e tsarigotoa vanigira igira sui ara liuputsi i tana:
13 “Na Taovia e molotsunamaia na lake talu i gotu, me iru i laoqu inau.
14 “Na Taovia e sorisaigira pipi sui niqu sasi,
15 “Na Taovia e sove tanigira sui niqu mane vaumate susuliga.
16 “Aia nogo na rongona ti e gini sarara tsuna na kô na mataqu.
17 “Inau au abea na limaqu tana nono, me tagara goto ke kesa ke ngaoa na sangaaqu.
18 “Ma na omea e nauvaniau na Taovia e gotolaka saikesa, rongona inau au petsakoe mangana.
19 “Minau au soagira igira ara tabana koluau i sau, migira sui ara sove saikesa na sangaaqu.
20 “!Taovia ko morosiau tana niqu rota loki, e ponopala sosongo na tobaqu!
21 “Ko rongomiau kalina au kukungu. E tagara kiki ke kesa ke vereau.
22 “Ko kedegira matena pipi sui niqira sasaga tabaru.