1 Ma Job e goko babâ moa me tsaria,
2 “Inau au gini vatsa tana asana God Susuliga Sosongo,
3 laka tana tagu popono God ke tamivaniau moa na mauri,
4 ma na mangaqu e utu saikesa ke tsaria sa na omea ke seko,
5 Me utu saikesa goto kau tsaria laka e mana tu nimui goko tugamu;
6 Me sauba e utu goto kau kuti na tsariana laka e gotolaka niqu sasaga;
7 “Mau amesia laka igira sui lakalaka ara tukapusiau mara labuginiau niqira goko
8 ?Migira ara tau tutunina God mara tau dona na aqo vaniana, nagua goto sauba kara amesia
9 ?Mi kalina ti vaga ke gadovigira na rota loki ma kara ngangaidato vania God ke sangagira,
10 ?Me laka tana mauriqira gira ara gini magemage na totu koluana God Susuliga Sosongo
11 “Mi kalina ia, ma kamu tu tamivaniau inau ma kau sasani tugamu e koegua na lokina gana susuliga God,
12 Me tagara, e tau kiligotoa inau kau tsaria sa omea, rongona tugamu amu tu dona segenimui nogo.
13 “Eo, e vaga nogo na kede God Susuliga Sosongo e vangaraunogoa ke kedeginigira
14 Kara tamanina danga rago na daleqira mane,
15 Migira ara matepitsa tana vailabu sauba moa kara gini mate na lobogu,
16 Me atsa moa ti igira na tinoni vanga tsutsukibo ara tamanina danga sosongo niqira siliva me ke utu na tsokoraeaqira,
17 me sauba kara visana na mane dou kara sagelia na poloqira,
18 Ma na vale ara logoa igira na vanga tsutsukibo ara tau lele kakai,
19 Me kesa lelê moa tana bongi kalina igira kara ba maturu,
20 Na matagu loki sauba ke novotigira vaga moa kalina e tavongani tave na obo loki;
21 ma na guguri votu sauba ke uvi salaligigira tania na valeqira;