1 Mi tana ma Sopar e tû me tsaria,
2 “A Job, nimu goko igoe e sekoli sosongolia na tobaqu
3 Ma nimu goko sui igoe o tsaria o gini palu tu vangamamami manana tugami,
4 “Migoe o dona dou sosongo nogo laka e tu mai nogo tana tuturigana
5 me tagara nogo sa tinoni vanga tsutsukibo ke dona na magemage oka.
6 Tangomana aia ke dato susuliga me ke suâ na masaoka,
7 maia sauba moa ke nangaligi lê vaga moa na papasa.
8 Maia sauba ke nangaligi lê vaga moa na bolebole tana bongi,
9 Me sauba ke nangaligi tania na nauna i tana aia e totu i sau;
10 migira na dalena sauba kara tuguvisua na omea aia e komia i koniqira na tinoni ara tau tamanina sa omea.
11 E vaolu sosongo rago na konina me susuliga,
14 Mi laona na tobana na mutsa puipui aia e gania e oli me vavai,
15 Maia na tinoni vanga tsutsukibo e mumutaligira sui na omea levolevo aia e komigira;
16 Ma nagua sui moa aia na tinoni vanga tsutsukibo e konomigira,
17 Ma na tinoni ia e padâ laka sauba ke gini magemage
18 Me sauba moa aia ke mololegira na omea sui e gini rota tana aqo mateqira;
19 rongona aia e bingi sekoligira na tinoni ara tau tamanina sa omea me sove na sangaaqira,
20 Me utu goto ke vatsa na nauana na susugu.
21 Mi kalina e mutsa gana, me tau goto dona ke molovisua sa piqena.
22 Tana tagu tsotsodo aia e gini magemage nina omea dangadanga,
23 !Molovania ke gania pipi na omea sui aia e padangaoa!
24 Me ke molomaigira visana gana gala kolua niqira isi tapala ma niqira parige tapalamila.
25 me ke katsa laba tabana.
26 Me pipi sui lakalaka na omea aia e tamanina sauba kara viri seko takuti;
27 Na baragata sauba ke adilabatigira i malena nina sasi na mane ia,
28 Na korena God sauba ke obotigira pipi sui lakalaka nina omea tatamani.
29 “Aia nogo ke vaga na kede e totupitugira na tinoni vanga tsutsukibo,