1 Maia na Taovia nida God e goko me tsaria,
2 Goko dou vanigira na toga ni Jerusalem.
3 Me tangi laba kesa na goko me tsaria,
4 Munugira pipi sui na qouna;
5 Mi tana ti ke labamaka gana loki tsapakae na Taovia,
6 Me tangi laba kesa goto na goko me tsaria,
7 Na buruburu ara mate lê ma na tsitsi ara viri dudu
8 Eo, igira na buruburu ara mate lê, ma na tsitsi ara dudu,
9 Ko dato bâ i kelana kesa na vungavunga katsi,
10 !Reia bâ! E maimai nogo na Taovia God kolu susuligana loki.
11 Maia sauba ke reitutugudougira nina tinoni,
12 ?Laka tangomana kesa ke karoginia na kimana na kema,
13 ?Me laka tangomana kesa ke tsarivania na Taovia nagua ke naua?
14 ?Me laka i konina asei God e ba lavegoko gana ke gini padagadovigira na omea levolevo,
15 I matana na Taovia na puku sui ara mala vaga moa ti kesa na kukuduna na kô;
16 Me atsa moa ti kara labumatesigira sui lakalaka na omea tuavati tana goana atsi ni Lebanon,
17 Eo, igira sui na puku na tinoni ara tau saikesa lia vaga sa omea i matana aia.
18 ?Asei bâ ke atsa kolua God?
19 Aia e tau saikesa vaga na titinonina na god peropero ara katsua igira na mane ara dona na katsu omea,
20 Ma na mane e tau tamani tugua ke voliginia na siliva se na qolumila,
21 ?Me laka amu tau vati donaginia moa?
22 Na Taovia nogo e aqosia, aia e totukae tana nina sasana na totukae i kelana na barangengo, mi gotuna na masaoka;
23 Aia e aditsunâ gaqira tangirongo na taovia tsapakae loki,
24 Igira ara vaga moa na volana vaolu na omea tsukatsuka ara vasini moa ara dato,
25 ?Laka asei goto bâ ke atsa kolua na God tabu?
26 !Kamu morodato tana masaoka!
27 ?Igamu na Israel, rongona gua ti amu gini goko korekore vania na Taovia,
28 ?Laka igamu amu tau vati donaginia moa?
29 Aia e susuligasigira igira ara maluku mara kolae.
30 Me atsa moa na tinoni vaolu, migira goto ara dona kara maluku ma kara kolae mate.
31 Migira moa ara norua na Taovia ke sangagira,