1 Watong, waak u boor iau ma no num ngalngaluan,
2 Nu marse iau, Watong, kanong iau pai dadas haruat.
3 No nugu nilon i mon tamat na ngunngutaan.
4 Talingaan, Watong, ma nu hasangeh iau.
5 Taie tikai pa na lik leh ugu ing bia i te maat.
6 Iau te tamaubal um tano sunuah.
7 I te hansik um ira matagu ing iau suah ma ra tapanuk.
8 Muat haan talur iau, muat bakut ing muat gil magingin sakena,
9 No Watong i te taram no nugu tintaau wara gaiena harmarsai.
10 Ira nugu ebar bakut, diet na hirhir ma diet na manga tapunuk.