1 Hadade ira nugu nianga, Watong,
2 Hatarame ira nugu tintaau wara harharahut,
3 Watong, u hadade no ingagu ra malaan.
4 Augu pai tiga mangana God nong i guama ta ira saksakena.
5 Ira ut na minok diet pa na tur ra matmataan taam.
6 U haliare diet ing diet la harabota.
7 Iesen tano num tamat na harmarsai,
8 Watong, lamus iau taar tano num taktakodas,
9 Pai tale bia da nurnur ta ira nianga ing i suur ta ira ha diet.
10 God, tange bia diet ronga!
11 Iesen bale diet ing diet barahit narakoman taam bia diet na laro.
12 Tutun saakit, Watong, u la haidane ira ut na takodas.