1 God, nu marse iau, kanong ira tunotuno diet paspasak hurbitane hani iau.
2 Ira ut na harabota diet pai sangeh wara iangianga huli iau tano kudulena bung bakut.
3 Ing iau burut,
4 God nong no uno nianga iau pirlat ie,
5 Tano kudulena bung diet ruru halilie ira nugu nianga.
6 Diet wawor kumaan tika, ma diet munmunuane iau.
7 Waak tunat u bale se diet bia diet na hilau sukun no harpidanau.
8 Pakat kawase ira nugu tapunuk.
9 Ira nugu ebar diet na tahurus tapukus, ing ni tataau wara harharahut.
10 God, nong no uno nianga iau pirlat ie,
11 io, ta iakano God iau nurnur. Iau pa ni burburut.
12 God, iau tur taar tano nugu kunubus ukatiga ho ugu.
13 Kanong warah, u ga kap pukus leh iau ing iau ga wara minaat,