1 God, taram ira nugu sinasaring.
2 Hadade iau ma nu balu iau.
3 ta ira inga diet ira ebar,
4 No nugu lilik i haruburubu.
5 A bunurut i haan tupas iau ma iau manga dedar.
6 Iau ga tange bia, “Awai! Ing bia gor mon babagu hoing ra bun,
7 Iau gor hilau laah utapaka
8 Iau gor habir ukatiga tiga subaan na barbarahit,
9 Watong, nu hangunguo ira ut na sakena bia diet na ianga lalawata,
10 Ra kasakes ma ra bung diet haan kumaan hurbit ta ira lar tano pise na hala.
11 A tintalen wara halhaliarai kenam narako tano pise na hala.
12 Ing bia tiga ebar gor sa sakana nianga taar tagu,
13 Iesen augu mon nong u te gil kan ra linge, a tunotuno augu hoing iau,
14 Ma augu ing dar git guguama tika
15 Iau sip bia no minaat na hakarup ira nugu ebar
16 Iesen iau tataau uram ho God
17 Ra matarahien, ra malaan ma ra pokona kasakes
18 A haleng diet tur mamate iau
19 God, nong no uno kinkinis na harkurai i kis hathatikai,
20 Nong mir la lalon tika i tut na hinarubu ma ira uno harwis.
21 Ira uno nianga i namnamien hoing ra baata,
22 Tar se ira num tinirih tano Watong
23 Iesen augu, God, nu bul hasur ira ut na gil sakena