1 Tiga bilai na nianga i haguama no kaatigu
2 Augu, u nanaas timaan ta ira tunaan bakut,
3 Taline hadikdikit no num wise na hinarubu ukaia ra binabatim, augu no dadas na tunotuno.
4 Ma ira num minamar nu hilau laah ma tiga hos bia u te petlaar wara bubu ira num ebar,
5 I tahut bia ira num iaiaan na rumus na salok ira kaati diet ira ebar tano king.
6 God, no num kinkinis na harkurai na kis hathatika.
7 U sip no taktakodas ma u malentakuane no saksakena.
8 Ira num sigasigam bakut i sangsangin kala mismisien ma ra lamara naas ma ra lamara boiah.
9 Nalamin ta ira num wasire na hahin u suko diet, ira nat na hahi diet ira king mah kaike.
10 Nat na hahigu, hadoda. Lilik timaan ma nu tar talingaam.
11 No king i te ngalabo tano num bilai na mangmangis.
12 A hinasik me Taia na hanuat ma ra hartabar,
13 I melmel harsakit no nat na hahine no king kenam narako tano uno hala.
14 Di dungut matatarine ira kiniasine, io, di lamus tar ie tano king.
15 Di lamus halaka diet ma ra gungunuama ma ra larlaro.
16 Ira natim tunaan diet na kap leh ira mauho ta ira am sus.
17 Iau ni gil no hinsaam bia diet bakut ing diet na lon namur, diet pa na lik luban ie,