1 God, mehet te hadade ma ira talinga het,
2 Ma no num dadas at, u ga pasak hasur se ira mes na hunhuntunaan,
3 Diet pai ga kap taman ma ira udiet wise na hinarabu,
4 Augu no nugu King ma no nugu God,
5 Mehet la paspasak pukus diet ma no num dadas.
6 Iau pai nurnur tano nugu laplapot.
7 Iesen u la harharahut mehet, kaik het gila petlaar wara hinarubu ma ira nuhet ebar.
8 Tano kidilona bung bakut mehet latlaat tupas ugu, God,
9 Iesen kaiken um u te malok se tar het ma u te bul hasur het.
10 U ga gil mehet bia het na hesuo tapukus menalua ra matmataan ta diet ing diet harubu tika ma het,
11 U ga waak se tar het bia da kanam hakidilon het hoing ira sipsip,
12 U ga suhurane hasiksik ira num matanaiabar.
13 U te gil diet ing diet lon tika ma het bia diet na kukutur ta het.
14 U te gil het bia da hasakit ta het nalamin ta ira hunhuntunaan ta ira mes na hanuo.
15 Tano kidilona bung bakut iau palai bia diet hamarisne iau,
16 ta ira harangat ta diet ing diet kukutur ma diet ngangare iau,
17 Kaiken bakut ga hanuat taar ta het,
18 Mehet pa ga lilik tatohun taam.
19 Iesen u ga rigisane mehet ma u ga waak tar het nalamin ta ira paap rakaia,
20 Ing bia mehet gate luban no hinsana no numehet God,
21 God, u gor nes tupas leh ie,
22 Iesen tano kidilona bung bakut di wara bubu bing het wara gaem.
23 Watong, tangahun! Wara bih u kubaba?
24 Wara biha u mun ta mehet,
25 Di ga bul hasur tar het napu ra kaabus.
26 Tut hut ma nu harahut het.