1 Watong, sa talingaam tano nugu takodasiana tintaau.
2 Iau sasaring bia nu hamines hapalaine bia iau pai gil ta sakena.
3 Ing bia u la nesnes salok no kaatigu ma u la rare timaan iau ra bung,
4 Iau pai la murmur ira gingilaan ta ira tunotuno mon. Taie.
5 Ira pinpaas na kakigu i te mur ira num sinalil.
6 God, iau tataau tupas ugu, kanong augu nu balu iau.
7 Haminas no num tamat na harmarsai bia daga ngalabo tano bilbilai tana.
8 Balaure iau narako ta ira limaam na harhalon.
9 Gawane leh iau huo talur ira ut na sakena ing diet helar tagu,
10 Pataie ta harmarsai ta ira udiet nilon.
11 Diet te mur ira pinpaas na kakigu ma diet tur luhutane iau.
12 Diet hoing tiga laion i taburungan pane no rana hiruo,
13 Taman tut, Watong! Tur bat diet ma nu me bul hasur diet.
14 Watong, ma no limaam nu halon iau sukun kaiken ra mangana tunotuno.
15 Ma iau, iau ni nes no num matmataan kanong iau te gil ra takodas.