1 I tahut bia iau ni pirlat no Watong ma no nugu kidilona nilon.
2 I tahut bia iau ni pirlat no Watong ma no nugu kidilona nilon,
3 Aie nong i la liklik luban se ira num magingin sakena bakut
4 Aie nong i kul pukus leh no num lon bia kabu haan taar tano minaat
5 Aie nong i banot ira num masmasingan ma ira bilai na linge,
6 No Watong auno no dadas wara bul ira takodasiana harkurai
7 Ga hapuasne tar ira uno tintalen taar ta Moses,
8 No Watong i tar bia mon no uno harmarsai,
9 Pai tale bia na hartutung hait,
10 Pai la hapidanau het haruat ma ira nuhet magingin sakena
11 Kanong warah, hoing no mawe i naliu saakit tano pise,
12 Hoing i tapaka merau hono kasakes i la tutut hut mekaia ukai hono kasakes i la sungsuguh kaia,
13 Hoing tiga tata i la marmarse ira natine,
14 kanong i nunure tar ing dahat ga tahuat huo,
15 Ma dahat ira tunotuno, ira udahat bung na nilon i haruat ma ra huro.
16 Iesen no dadaip i puuh isei,
17 Iesen no harmarsai tano Watong tupas diet ing diet ru ie i kis hathatikai,
18 I kis hatika taar ta diet ing diet mur no uno kunubus,
19 No Watong i te hakisi no uno kinkinis na king aram ra mawe,
20 Muat ira uno angelo, i tahut bia muat na pirlat no Watong,
21 Muat bakut ira uno umri kenam ra mawe, muat na pirlat no Watong,
22 I bilai bia ira uno pakpakilai bakut