1 Watong, taram ira nugu sinasaring.
2 Waak u suhsuhe no matmataan taam tagu
3 Ira bungugu i patpataam bia hoing ra mis.
4 Di te papasuane no nugu lon ma i te mahiawa hoing ra huro.
5 Iau kinkin ma no tinirih ma iau suah.
6 Iau ngan hoing tiga kurkur ma ra hanuo bia,
7 Iau noh taar ma iau pai kubaba.
8 Tano kidilona bung bakut, ira nugu ebar diet mang iau.
9 Iau ien tahuna iaah hoing ra agu nian,
10 kanong tano num tamat na ngalngaluan.
11 Ira bungugu i panim gasien hoing ira ududuh na melsur.
12 Iesen augu, Watong, no num kinkinis na harkurai pana le pataam.
13 Nu tut hut ma nu marse no pise na hala Saion,
14 Kanong warah, ira num tultulai diet manga kalak ira haat ta ira uno balo.
15 Ira kantri diet na urur tano hinsana no Watong,
16 kanong no Watong na hatut habaling ira balo ta Saion
17 Na taram ira maris,
18 I tahut bia da pakat kaiken ra nianga ta ira bulumur ing pa di kaha baak diet,
19 Da hinawase diet bia no Watong ga nanaas suur meram tano uno halhaliana katon.
20 wara hadade ira kunup na ngunngutaan ta diet ing diet ga kis taar ra hala na harpidanau,
21 Io, da hinawas palai tano hinsana no Watong ram Saion
22 ing ira matanaiabar ma ira kingdom
23 Ing a sigar tunotuno baak iau, no Watong i hapataam no nugu dadas.
24 Io huo, iau tange bia, “Nugu God, waak baak u kutus kotne no nugu nilon.
25 Mekaia tano hamhaburen u ga hakisi no ula hanuo,
26 No mawe ma no ula hanuo dir na panim iesen u kis taar at.
27 Ma sen bia augu, pau la kikios
28 Ira nati mehet ira num tultulai diet na lon ra matmataan taam,