1 Amahuuno ga úli mu libuuka, anatabaaze Nahano.
2 E Nahano, ikyanya ndi mu kutabaaza, ukizi ndega amatwiri.
3 Buno, ngola mu libuuka bweneene.
4 Isiku zaani, ziri mu yami nyerera nga kyusi.
5 Umutima gwani, gukoli lwaziri, nga mbuto íziyumiri.
6 Ngola mu shiiba ngweti ngagongeera naaho.
7 Bwo nduuziragi nienyene mu biguuka,
8 Ndakiri mu toola iro.
9 Ngiisi lusiku, abagoma baani bagweti baganduka,
10 Ibyokulya byani, bikoli ba munyota-kiiko.
11 E Rurema, maashi! Nabonaga kwo ukoli rakiiri bweneene.
12 Isiku zaani, zikola mu lengaga duba nga kimbehwa,
13 Kundu kwokwo, e Nahamwitu, wehe we twaziri hiꞌgulu lya byoshi, halinde imyaka neꞌmyakuula.
14 Ugaki yimuka, unakejeerere abandu beꞌSayuni.
15 Yako kaaya keꞌSayuni, abandu baawe bakuuziri kiri naꞌmabuye ágayubasirwi mweꞌnzitiro zaako.
16 E Nahano, ibinyamahanga bigakizi juguma imbere lyawe.
17 Kalya kaaya keꞌSayuni, ugashubi kayubakulula,
18 Banakahuku, ikyanya bagakutabaaza, ugabayuvwiriza.
19 Yaga magambo gooshi, tukwaniini tugayandikage,
20 Ubabwire kwo Nahano, kundu atuuziri iriira munda mwiꞌgulu,
21 Ngiisi ábalashirwi mu nyumba yeꞌmbohe,
22 Kyo kitumiri abandu bagakizi yivuga Nahano mu kaaya keꞌYerusaleemu,
23 Ibinyamahanga bigakuumana kuguma,
24 Ala nie! Kundu ngiri musore, haliko Rurema keera akanvuna indege.
25 Kwokwo, nanatakira Rurema, ti: «E Rurema wani,
26 Yaho keera, we kabumba ikihugo.
27 Yibyo byombi, biganyerera, haliko, wehe ugayama ho.
28 Wehe, uyamiri uli we yolya-yolya.
29 Kwokwo, abaana baꞌbakozi baawe bagakizi tuula imbere lyawe.