1 Umundu, ikyanya ashuvya ku bwitonde, ali mu hoohya uburaakari.
2 Abitegeereza, ikyanya bali mu deta, bali mu yushuula ubumenyi.
3 Amasu ga Nahano gali mu bona byoshi.
4 Amagambo malembu gali mu kiza, ganaleete ubugumaana.
5 Umuhwija, ikyanya yishe ali mu múyerekeza, ali mu múgayiriza.
6 Umundu úkwaniini, mu nyumba yage muli mu ba ubugale katundu.
7 Abitegeereza, ikyanya bali mu deta, bali mu kwiza ubumenyi.
8 Amatuulo ga banangora-mabi, Nahano agashombiri.
9 Imikolezi ya banangora-mabi, Nahano agishombiri.
10 Ikyanya umundu ali mu habuka mu njira, ali mu hanirizibwa.
11 Ulufu neꞌnakwere, biyamiri biyanuusiri imbere lya Nahano.
12 Umundu waꞌkazingati, atali mu looza ukuyerekezibwa.
13 Ikyanya umundu akeruuka ku malanga, biyerekiini kwoꞌmutima gushambiiri.
14 Ngiisi mwitegeereza, umutima gwage guli mu kizi looza ubumenyi.
15 Imwoꞌmukeni, isiku zooshi ziri mu leeta amalibu.
16 Umundu, nga angaba neꞌbindu biniini, anabe asimbahiri Nahano, iri ahiriirwi,
17 Umundu, nga angalya ishogo nzobeera mu kati koꞌrukundo, iri ahiriirwi,
18 Ngiisi úli mu raakara duba, ali mu vyula imilongwe.
19 Injira yoꞌmwolo iri mu shaka neꞌmigenge.
20 Umusore mwitegeereza guli mu shambaaza yishe.
21 Umuzira bwenge, ali mu kizi shambaalira ubuhwija.
22 Ikyanya ndaabo bahanuuzi, ishungi zooshi ziri mu fwa ubusha.
23 Ikyanya umundu ashuvya bwija, ishuvyo lyage liri mu shambaazania.
24 Abitegeereza, ibyeꞌmwabo biri mu lola mwiꞌgulu,
25 Ábali mu yiheemya, Nahano ali mu hongola inyumba zaabo.
26 Inzaliro za banangora-mabi, ziri mu yagaza Nahano.
27 Umundu munamahuku ali mu yingiza imbaga yage mwaꞌmakuba.
28 Umundu mwija, imbere lyoꞌkushuvya, ali mu tee yisaliza mu mutima gwage.
29 Banangora-mabi, Nahano ali mu bayisunga.
30 Amalanga ágakeyengiini, gali mu simiisa umutima.
31 Umundu, ikyanya alonga ihano, analiyuvwirize, ali mu genduukirwa,
32 Umundu, ikyanya ali mu longa ikihano, anakigayirize, ali mu ba ayigayiriza yenyene.
33 Ikyanya umundu ali mu ba asimbahiri Nahano, ali mu longa ubwitegeereze.