1 Iri hakatama, Herifaazi wa mu kihugo kyeꞌTemaani anashuvya Hayubu kwokuno:
2 «Nakuhuuna unyigenderere, gira ngubwire igambo.
3 We wâli kizi yigiriza abandu bingi.
4 Neꞌkyanya bâli kola bagaagwa, amagambo gaawe ganabasikamya.
5 Si wehe, ikyanya walonga amakuba, wanayami vunika umutima.
6 Aahago! Ikyanya usimbahiri Rurema, ka utangayikania mu mutima gwawe?
7 Kengeeraga bwija! Abandu bazira buhube, ka bali mu yitwa?
8 Keera nꞌgabona kwo ábali mu byala ubuligo, noꞌbubi,
9 Yabo bandu, Rurema ali mu bafuuhira umuuka gwage, banayami fwa,
10 Banangora-mabi, kundu bagweti bagalunduma nga ndare,
11 Iyo ndare, ikyanya igaabula ibyokulya, lyo igaafwa.
12 «Lusiku luguma, nꞌgayuvwa izu lyoꞌbumbishwa.
13 Bwâli riiri bushigi, ikyanya abandu bali mu loota ibirooto,
14 Haaho, nanayami gwatwa neꞌkyoba, nanatondeera ukujuguma.
15 Hanayija umuzimu, gwanandenga i malanga,
16 Yugwo muzimu, gwanayimanga imbere lyani.
17 “Abandu boꞌkufwa, ka bangaboneka kwo bali noꞌkuli imbere lya Rurema?
18 Rurema atayemiiri kiri naꞌbaganda baage.
19 Aahago! Ka itali yo haahe kwo atangamùyemeera mwe bandu ngana,
20 Shesheezi, abandu bali mu ba bakiri bagumaana.
21 Imigozi íshubi gwasiri amaheema gaabo,